2420 rasijskich vajskoŭcaŭ dasłali svaje kaardynaty dla aktyvacyi «starlinkaŭ». Akazałasia, što dasłali ŭkrainskim chakieram
Zaadno ŭdałosia złavić 31 ukrainskaha zdradnika, chto hatovy byŭ aktyvavać pryładu dla rasijan na svajo imia.
Ukrainskija vajskoŭcy razam z supolnaściu InformNapalm praviali bliskučuju apieracyju: skarystaŭšysia prablemaj rasijan z suviaźziu, jany raźviali rasijskich vajskoŭcaŭ na hrošy i infarmacyju, paviedamlaje kanał «256 KibierŠturmova Divizija».
Paśla taho jak kampanija Iłana Maska pačała błakavać pracu spadarožnikavaj suviazi dla rasijan, ukraincy stvaryli sietku fejkavych botaŭ i kanałaŭ nibyta pa dapamozie z padklučeńniem «starlinkaŭ».
Jany prapanoŭvali pasłuhi ŭ aktyvacyi zabłakavanych spadarožnikaŭ praz padstaŭnych asob. Rasijskija vajskoŭcy pavialisia na heta i pačali masava skidvać danyja.
Usiaho za tydzień ukraincy vyvudzili bolš za 2400 źviestak pra rasijskija «starlinki» razam ź ich dakładnymi kaardynatami — ich abiacajuć kančatkova zabłakavać.
Akramia kaardynat, chakiery atrymali amal 6 tysiač dalaraŭ, jakija rasiejcy pierasłali ŭ jakaści apłaty za pasłuhi.
Bonusam stali imiony zdradnikaŭ, jakija pahadzilisia dapamahać vorahu z rehistracyjaj — ich danymi zajmajucca śpiecsłužby.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary