Jeŭrasajuz vyrašyŭ nie vyznačać stol cenaŭ na rasijski haz, paviedamlaje The Guardian sa spasyłkaj na prajekt dakumienta Jeŭrakamisii, jaki trapiŭ u rasparadžeńnie redakcyi. Im praduhledžana, što ŭzamien stoli cenaŭ u hetaj śfiery moža źjavicca novy padatak na zvyšprybytak naftavych i hazavych kampanij.
U prajekcie dakumienta, piša The Guardian, ničoha nie skazana pra ŭviadzieńnie stoli cen na luby impartavany haz. Razam z tym u dakumiencie jość zhadki pra padatak na zvyšprybytak dla naftahazavych kampanij — jaho nazyvajuć «uznosam salidarnaści».
Taksama praduhledžana «asobna abmiežavać dachody vytvorcaŭ elektraenierhii ź nizkim uzroŭniem vykidaŭ vuhlarodu». Jakoj budzie staŭka novaha padatku, pakul nieviadoma.
Pavodle infarmacyi ŭ dakumiencie Jeŭrakamisii, «niepradkazalnyja padziei na enierhietyčnych rynkach» na fonie vajennych dziejańniaŭ va Ukrainie pryviali da taho, što prybytak naftavych, hazavych i vuhalnych kampanij u 2022 hodzie vyras užo ŭ piać razoŭ.
Raniej, 9 vieraśnia, ministry enierhietyki ES nie ŭzhadnili, jak płanavałasia, stol cen na haz: suprać vystupili Vienhryja, Słavakija i Aŭstryja. Niderłandy i Danija pastavilisia da idei naściarožana, adnaznačna nie padtrymała jaje i Hiermanija. Suprać takoj miery taksama vystupili amierykanskija naftahazavyja kampanii.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary