Kreml vusnami pucinskaha pres-sakratara Dźmitryja Piaskova zajaviŭ pra nieabchodnaść dla «patryjatyčnych» telehram-kanałaŭ być akuratnymi z krytykaj rasijskaj «śpiecapieracyi». Pavodle słoŭ Piaskova, krytyčnyja vykazvańni nakont rasijskaj «śpiecapieracyi» va Ukrainie «dapuščalnyja ŭ ramkach zakona», ale «hrań vielmi tonkaja i treba być vielmi akuratnym», piša RBK.
Na pres-kanfierencyi Piaskovu źviarnuli ŭvahu, što ŭ śviatle apošnich padziej šerah «patryjatyčnych» telehram-kanałaŭ, u tym liku byłoha «ministra abarony DNR» Ihara Hirkina (Strałkova), pačali krytykavać pracu Minabarony Rasii. U suviazi z hetym u Piaskova spytalisia, ci mohuć hetyja publikacyi paŭpłyvać na nastroi rasijan.
Piaskoŭ na heta adkazaŭ, što rasijanie, maŭlaŭ, padtrymlivajuć Pucina, što paćviardžajuć nibyta i ich nastroi i dziejańni. «Ludzi sapraŭdy kansalidavanyja vakoł tych rašeńniaŭ, jakija prymaje kiraŭnik dziaržavy», — adznačyŭ jon.
Što tyčycca inšych punktaŭ hledžańnia i krytyčna nastrojenych zajaŭ, to, pakul jany zastajucca ŭ ramkach zakona, «heta pluralizm», skazaŭ pucinski pres-sakratar.
«Ale hrań vielmi i vielmi tonkaja. Tut treba być vielmi i vielmi akuratnym», — papiaredziŭ jon.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary