ZŠA pakul admaŭlajucca pieradavać Ukrainie dalnabojnyja rakietnyja sistemy ATACMS
Administracyja prezidenta ZŠA Džo Bajdena naŭrad ci ŭ najbližejšy čas źmienić svajo mierkavańnie adnosna metazhodnaści pastaŭki Ukrainie dalnabojnych rakietnych sistem, niahledziačy na paśpiachovyja kontrnastupalnyja dziejańni ŭkrainskich siłaŭ. Pra heta piša CNN sa spasyłkaj na krynicy.
Amierykanskija čynoŭniki razhladajuć apošnija dziejańni Ukrainy na poli boju jak dokaz taho, što zbroja i raźviedvalnyja źviestki, jakija Zachad pieradaje ŭ apošnija miesiacy, byli efiektyŭnymi. U toj ža čas niekatoryja ź ich ličać, što jašče zanadta rana kazać pra pierałomny momant u vajnie, bo ŭ Rasii daloka nie vyčarpanyja vajskovyja siły.
Apytanyja CNN krynicy ličać, što situacyja na pole boju pakul nie źmianiłasia nastolki, kab kazać pra rezkuju źmienu ŭ stratehii padtrymki Ukrainy. Prynamsi, pakul ZŠA nie padtrymlivajuć nadańnie ŭkrainskim siłam taktyčnych rakietnych sistem dalokaha radyusu dziejańnia ATACMS, jakija Kijeŭ prasiŭ pieradać u apošnija miesiacy.
Administracyja Bajdena ŭsio jašče ličyć, što nadańnie sistem ATACMS, jakija majuć dalokaść dziejańnia da 300 kiłamietraŭ, moža pryvieści da eskałacyi, pakolki jany mohuć vykarystoŭvacca dla abstrełu samoj Rasii.
U kancy žniŭnia namieśnik ministra abarony ZŠA ŭ pytańniach palityki Kolin Kal zajaŭlaŭ, što, pavodle acenak Pientahona, «ciapier im (Ukrainie) nie patrebnyja ATACMS dla vykanańnia metaŭ, jakija majuć niepasrednaje dačynieńnie da ciapierašnich bajavych dziejańniaŭ».
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary