Blinkien: U ZŠA jość płan na vypadak prymianieńnia Rasijaj jadziernaj zbroi
Dziaržsakratar ZŠA Entani Blinkien nazvaŭ «biezadkaznaj» jadziernuju rytoryku Uładzimira Pucina.
U intervju amierykanskaj teleradyjokampanii «Si-bi-es» Blinkien skazaŭ, što ŭ ZŠA raspracavany płan dziejańniaŭ u vypadku prymianieńnia jadziernaj zbroi Rasijaj. Kankretnyja miery dziaržsakratar abmiarkoŭvać nie staŭ.
Na pytańnie, ci kantaktavali ZŠA ŭ pryvatnym paradku z Kramlom adnosna pahrozy jadziernaj vajny, Blinkien adkazaŭ śćviardžalna: «Tak. Vielmi važna, kab Maskva pačuła ad nas i daviedałasia ad nas, što nastupstvy takoha kroku buduć žachlivymi. I my vielmi vyrazna dali heta zrazumieć».
Pa słovach Blinkiena, vajna Pucina va Ukrainie ŭžo pravaliłasia: «Jon z samaha pačatku vielmi jasna skazaŭ, što jaho metaj było ścierci identyčnaść Ukrainy jak niezaležnaj krainy. Hetaja meta ŭžo paciarpieła niaŭdaču. Ukraincy vajujuć za svaju ziamlu. Jany vajujuć za svaju krainu. Ruskija nie. Rasijskija vajskoŭcy, jakich kidajuć u hety kanflikt, jany časta nie viedajuć, ni kudy iduć, ni što robiać. Heta nie toje, za što jany chočuć zmahacca. Ukraincy zmahajucca za svaju budučyniu. Jany zmahajucca za svaju ziamlu. Jany zmahajucca za svaje žyćci», — dadaŭ Blinkien.
Uładzimir Pucin, abviaščajučy ab častkovaj mabilizacyi i padtrymcy «refierendumaŭ» 21 vieraśnia, skazaŭ, što terytaryjalnaja cełasnaść Rasii budzie zabiaśpiečanaja «usimi najaŭnymi srodkami». «A tyja, chto sprabuje šantažavać nas jadziernaj zbrojaj, pavinny viedać, što ruža viatroŭ moža razharnucca i ŭ ich bok», — pryhraziŭ rasijski prezident.
Adrazu niekalki ekśpiertaŭ kazali, što vyniki «refierendumaŭ» dazvolać Rasii jašče bolš intensiŭna pahražać Ukrainie i Zachadu jadziernaj zbrojaj, spasyłajučysia na abaronu svajoj terytoryi.
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary