Arhanizacyja «Taliban», jakaja ŭ Rasii pryznanaja terarystyčnaj i zabaronienaja, padpisała papiaredniaje pahadnieńnie z Rasijaj ab pastaŭkach bienzinu, dyzielnaha paliva, hazu i pšanicy ŭ Afhanistan, paviedamiŭ vykanaŭca abaviazkaŭ ministra handlu i pramysłovaści krainy Chadžy Nurydzin Azizi, pieradaje «Ahientstvo. Novosti».
Jak patłumačyŭ čynoŭnik, Afhanistan pracuje nad «dyviersifikacyjaj» svaich handlovych partnioraŭ, a Rasija prapanavała źnižku ŭ paraŭnańni ź siarednimi suśvietnymi cenami na syravinu.
U ramkach ździełki Rasija budzie štohod pastaŭlać kala adnaho miljona ton bienzinu, miljon ton dyzielnaha paliva, 500 tysiač ton zvadkavanaha naftavaha hazu i dva miljony ton pšanicy.
Heta pieršaja viadomaja bujnaja mižnarodnaja ździełka, zaklučanaja talibami z momantu ich prychodu da ŭłady. Pahadnieńnie moža dapamahčy asłabić mižnarodnuju izalacyju «Talibana» va ŭmovach, kali Afhanistan akazaŭsia faktyčna adrezany ad hłabalnaj bankaŭskaj sistemy.
Ni adna kraina aficyjna nie pryznaje «Taliban» jak zakonnuju ŭładu Afhanistana. Zachodnija dypłamaty nastojvajuć na tym, što ruch pavinien źmianić svaju palityku ŭ halinie pravoŭ čałavieka, asabliva pravoŭ žančyn, i dakazać, što bolš nie źviazany ź mižnarodnymi vajenizavanymi hrupoŭkami.
Rasija taksama aficyjna nie pryznaje ŭrad talibaŭ, ale padtrymlivaje kantakty ź im: u Maskvu pryjazdžali lidary ruchu, a pasolstva Rasii praciahvaje pracavać u Kabule.
Paśla prychodu da ŭłady talibaŭ mižnarodnyja aktyvy Afhanistana akazalisia zamarožanyja. U vieraśni ZŠA pryniali rašeńnie pieravieści častku zamarožanych reziervaŭ u Šviejcarski trastavy fond, jaki płanuje apłačvać zakupku krytyčna važnych tavaraŭ dla krainy, takich jak pradukty charčavańnia i elektraenierhija.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary