Арганізацыя «Талібан», якая ў Расіі прызнаная тэрарыстычнай і забароненая, падпісала папярэдняе пагадненне з Расіяй аб пастаўках бензіну, дызельнага паліва, газу і пшаніцы ў Афганістан, паведаміў выканаўца абавязкаў міністра гандлю і прамысловасці краіны Хаджы Нурыдзін Азізі, перадае «Агентство. Новости».
Як патлумачыў чыноўнік, Афганістан працуе над «дыверсіфікацыяй» сваіх гандлёвых партнёраў, а Расія прапанавала зніжку ў параўнанні з сярэднімі сусветнымі цэнамі на сыравіну.
У рамках здзелкі Расія будзе штогод пастаўляць каля аднаго мільёна тон бензіну, мільён тон дызельнага паліва, 500 тысяч тон звадкаванага нафтавага газу і два мільёны тон пшаніцы.
Гэта першая вядомая буйная міжнародная здзелка, заключаная талібамі з моманту іх прыходу да ўлады. Пагадненне можа дапамагчы аслабіць міжнародную ізаляцыю «Талібана» ва ўмовах, калі Афганістан аказаўся фактычна адрэзаны ад глабальнай банкаўскай сістэмы.
Ні адна краіна афіцыйна не прызнае «Талібан» як законную ўладу Афганістана. Заходнія дыпламаты настойваюць на тым, што рух павінен змяніць сваю палітыку ў галіне правоў чалавека, асабліва правоў жанчын, і даказаць, што больш не звязаны з міжнароднымі ваенізаванымі групоўкамі.
Расія таксама афіцыйна не прызнае ўрад талібаў, але падтрымлівае кантакты з ім: у Маскву прыязджалі лідары руху, а пасольства Расіі працягвае працаваць у Кабуле.
Пасля прыходу да ўлады талібаў міжнародныя актывы Афганістана аказаліся замарожаныя. У верасні ЗША прынялі рашэнне перавесці частку замарожаных рэзерваў у Швейцарскі траставы фонд, які плануе аплачваць закупку крытычна важных тавараў для краіны, такіх як прадукты харчавання і электраэнергія.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна26
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары