Kali kuplaješ u mahazinie miasa va ŭpakoŭcy, moža być ciažka razhledzieć pradukt. Ale jość adzin łajfchak, jaki dazvalaje pravieryć, ci śviežaje miasa, nie zdymajučy ź jaho ŭpakoŭku.
Kali vy vybirajecie miasa, źviarnicie ŭvahu na dva aśpiekty. Pieršy ź ich — heta koler miasa, jon pavinien być ad śvietła-ružovaha da čyrvonaha. Zanadta ciomny, bledny abo šery kolery mohuć śviedčyć, što pradukt nie śviežy.
Viadoma, što varta pravieryć i termin prydatnaści miasa: čym jon daŭžejšy, tym śviažejšy pradukt vy trymajecie ŭ rukach. Ale, akramia terminu prydatnaści, važna jašče i toje, ci dobra zachoŭvajecca miasa — kali nie tak, to jano moža akazacca nieprydatnym jašče da zakančeńnia terminu. Kali razmova idzie pra rasfasavanaje miasa ź vialikich chaładzilnikaŭ, naprykład, u mahazinie, zaŭsiody jość šans, što padčas zachoŭvańnia hetaje miasa niejki čas zachoŭvałasia nie ŭ chaładzilniku.
Kali miasa zapakavanaje, my nie možam pravieryć, ci dobra jaho pachnie, ale ž my možam dakranucca da jaho. Śviežaje miasa ad zdarovaj žyvioły pavinna być davoli ćviordym, a kali vy naciskajecie na takoje miasa palcam i prybirajecie palec, miasa pavinna chutka viartacca ŭ zvyčajnuju formu. Kali ž jamka ad palca nie źnikaje, heta značyć, što miasa ŭžo nie pieršaj śviežaści i lepiej jaho nie kuplać.
Taksama źviartajcie ŭvahu na toje, kolki va ŭpakoŭcy kryvianistych vydzialeńniaŭ. Ich prysutnaść tam narmalnaja, ale miasa nie pavinna ŭ ich płavać.
Kali ž kryvi tam šmat, heta moža śviedčyć pra toje, što ŭ miasa dadali inšyja rečyvy — naprykład, uzmacnialniki smaku.
Jak razmarozić kurycu i nie atrucicca?
Recept na vychadnyja. Pierčanaja kuryca — šmatfunkcyjanalny i ekanomny recept
Recept na vychadnyja. Faršyravanyja kurynyja hrudki — novy padychod da zvyčajnaj viačery
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary
kolki ŭžo raz było, što ŭ mahazinie najbujniejšaj sietki (JeroOpt) kuplali syr ź ćvillu... i eto sovsiem nie błahorodnaja plesień
syr u vakuumnaj upakoŭcy. a ŭnutry ćvil
ale chto ž jaho pravieryć toj Jevriejopt...