Minavańnie na miažy Ukrainy ź Biełaruśsiu źjaŭlajecca vyklučna abarončym mierapryjemstvam, u vypadku ŭvarvańnia z poŭnačy vorah atrymaje adpor niepasredna na miažy, paviedamiŭ siońnia namieśnik ministra ŭnutranych spraŭ Ukrainy Ihar Bandarenka padčas bryfinhu ŭ Military Media Center.
«Łohika dziejańniaŭ Ukrainy źjaŭlajecca vymušana abarončaj. My ŭžo mieli fakty naziemnaha ŭvarvańnia z boku našaha paŭnočnaha susieda, vykarystańnia jaho infrastruktury i ažyćciaŭleńnia abstrełaŭ — inakš reahavać my nie možam.
Straty z boku ahresara buduć vysokija (u vypadku ŭvarvańnia z poŭnačy. — Red.), a adpor budzie dadzieny niepasredna na miažy».
Čynoŭnik taksama dadaŭ, što ŭ kastryčniku Ukraina hatovaja da mahčymaha ŭvarvańnia z poŭnačy ŭ razy lepš, čym, naprykład, u červieni.
Bandarenka padkreśliŭ, što minavańnie taksama źjaŭlajecca tolki abarončaj mieraj: «Minavańnie — heta miery abarončaha charaktaru. My heta robim, kab vorah zrazumieŭ, što adpor budzie dadzieny, i nie budzie situacyi, jak u lutym miesiacy, kali my raźličvali na zachavańnie praktyki dobrasusiedskich adnosin, ale atrymali inšy scenaryj», — skazaŭ jon.
Pierad hetym staršynia Dziaržaŭnaha pamiežnaha kamiteta Biełarusi Anatol Łapo paskardziŭsia, što Ukraina, maŭlaŭ, rychtujecca da mahčymaha nastupleńnia z boku Biełarusi, u pryvatnaści, uzryvaje masty i miniruje darohi.
Čytajcie taksama:
Biełaruski bok vystupiŭ ź dziŭnymi zajavami pra situacyju na ŭkrainskaj miažy. Prapahandysty pradrakajuć zabitaha pamiežnika
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary