Мінаванне на мяжы Украіны з Беларуссю з'яўляецца выключна абарончым мерапрыемствам, у выпадку ўварвання з поўначы вораг атрымае адпор непасрэдна на мяжы, паведаміў сёння намеснік міністра ўнутраных спраў Украіны Ігар Бандарэнка падчас брыфінгу ў Military Media Center.
«Логіка дзеянняў Украіны з'яўляецца вымушана абарончай. Мы ўжо мелі факты наземнага ўварвання з боку нашага паўночнага суседа, выкарыстання яго інфраструктуры і ажыццяўлення абстрэлаў — інакш рэагаваць мы не можам.
Страты з боку агрэсара будуць высокія (у выпадку ўварвання з поўначы. — Рэд.), а адпор будзе дадзены непасрэдна на мяжы».
Чыноўнік таксама дадаў, што ў кастрычніку Украіна гатовая да магчымага ўварвання з поўначы ў разы лепш, чым, напрыклад, у чэрвені.
Бандарэнка падкрэсліў, што мінаванне таксама з'яўляецца толькі абарончай мерай: «Мінаванне — гэта меры абарончага характару. Мы гэта робім, каб вораг зразумеў, што адпор будзе дадзены, і не будзе сітуацыі, як у лютым месяцы, калі мы разлічвалі на захаванне практыкі добрасуседскіх адносін, але атрымалі іншы сцэнарый», — сказаў ён.
Перад гэтым старшыня Дзяржаўнага памежнага камітэта Беларусі Анатоль Лапо паскардзіўся, што Украіна, маўляў, рыхтуецца да магчымага наступлення з боку Беларусі, у прыватнасці, узрывае масты і мініруе дарогі.
Чытайце таксама:
Беларускі бок выступіў з дзіўнымі заявамі пра сітуацыю на ўкраінскай мяжы. Прапагандысты прадракаюць забітага памежніка
-
Расія цяпер не трымае на тэрыторыі Беларусі вялікіх вайсковых сіл — Дзяржпагранслужба Украіны
-
«Рэактыўны шахед урэзаўся ў мой дом». Расіяне спрабавалі кропкавым ударам забіць дарадцу міністра абароны Украіны, спецыяліста па радыётэхналогіях
-
УСУ апублікавалі відэа знішчэння дэсантных караблёў у бухце Севастопаля
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары