U Biełarusi stali rabić z nula vakcynu «Sputnik V». Raniej «Biełmiedpreparaty» vykarystoŭvali ŭ jakaści asnovy pryviezienuju z Rasiei śpiecyjalnuju substancyju, a ciapier i jaje vyrablajuć u Biełarusi. Pra heta pišuć «Minsk-Naviny» sa spasyłkaj na hiendyrektara inavacyjnaha raźvićcia pradpryjemstva Siarhieja Marčanku.
«Siońnia my robim vakcynu «Sputnik V» z nula, heta značyć asvoili ŭ vytvorčaści poŭny technałahičny cykł. Pačynali z taho, što vykarystoŭvali substancyju dla sterylnaha raźlivu hetaj vakcyny, a siońnia robim i samu substancyju», — kanstatavaŭ Marčanka.
Na hety momant biełarusaŭ pryščaplajuć rasijskimi vakcynami «Sputnik V» i «Sputnik Łajt», a taksama kitajskaj Sinopharm (Vero Cell). Taksama ŭ sieradu, 12 kastryčnika, u Biełaruś pastupiła kubinskaja vakcyna. Jana zarehistravanaja ŭ nas ź lipienia, adnak paviedamleńniaŭ ab pryščepkach hetym preparatam pakul nie było.
Taksama nibyta idzie praces stvareńnia ajčynnaha preparata ad kavida. Jahony vypusk zapłanavany na kaniec 2023-pačatak 2024 hoda.
Kamientary