Zapuściŭsia katałoh biełaruskich padkastaŭ Belarus Podcast Hub
Ad siońnia zapracavaŭ sajt pra biełaruskuju padkast-śfieru Belarus Podcast Hub. Jon stvorany jak dla amataraŭ aŭdyjalnych miedyja, jakija zmohuć znajści ładnuju kolkaść biełaruskich padkastaŭ, sabranych u adnym katałozie, tak i dla vytvorcaŭ aŭdyjašou. Dla apošnich na sajcie pradstaŭleny błok artykułaŭ i navin pra padkast-industryju. Tam možna budzie pačytać pra abstalavańnie i techničnyja rečy, suśvietnyja trendy i sakrety padkastavych naratyvaŭ, a taksama hutarki z vytvorcami biełaruskich padkastaŭ.
Belarus Podcast Hub zapuścili Pavieł Kirpikaŭ i Alaksandr Karniejčuk, viadomyja taksama jak stvaralniki kamjunici-radyjostancyi Radio Plato.
«Pa prafiesijnaj častcy my sami stała zajmajemsia pradakšnam padkastaŭ i bačym, jak padkastarskaje asiarodździe Biełarusi šyrycca i nasyčajecca, — kažuć jany. — U siecivie možna znajści padkasty pra historyju, movu, mientalnaje zdaroŭje, IT, aŭdyjohidy, pablik-toki i inšaje. Ale ahulnuju karcinu skłaści składana: padkasty raskidanyja pa ŭłasnych profilach i šukać ich davoli ciažka. Tamu my vyrašyli zadavolić hetuju patrebu.
Ź inšaha boku, padčas pracy nad Radio Plato my zrazumieli, što spravy iduć dobra ŭ tym asiarodździ, dzie isnuje mocnaje i spryjalnaje kamjunici. Tamu hety prajekt nakiravany na jaho fasilitacyju i padtrymku. Naša meta — uzmacnić padkastarskaje kamjunici Biełarusi, tamu što my sami źjaŭlajemsia jaho častkaj».
Sajt dasiažny pa spasyłcy.
Kali vy źjaŭlajeciesia vytvorcaj padkastaŭ i vašaha šou niama ŭ katałozie Belarus Podcast Hub abo kali źviestki pra vaš padkast padadzienyja niekarektna, śmieła pišycie na poštu — [email protected]. Taksama stvaralniki padkastaŭ zaprašajucca ŭ Discord prajekta, dzie možna budzie abmieńvacca vopytam i łajfchakami, a taksama ładzić kałabaracyi pamiž padkastami.
-
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
-
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
-
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary