U Hrodnie na pradpryjemstvie pa miechaničnym sartavańni adkidaŭ źjavicca technałahičnaja linija pa vytvorčaści RDF-paliva. Pra prajekt havorać užo šeść hadoŭ, ale tolki ciapier padyšli da pastaŭki i naładki abstalavańnia. Ekołahi vystupajuć suprać takoha paliva: jaho vyrab i vykarystańnie moža być niebiaśpiečnym dla zdaroŭja i navakolnaha asiarodździa. Ale dziaržaŭnyja struktury zajaŭlajuć, što RDF-paliva «vyratuje śviet», piša Hrodna.life.
Pakul dla prajekta vybirajuć padradnuju arhanizacyju dla zaviaršeńnia budaŭnictva. Zamoŭca — Upraŭleńnie kapitalnaha budaŭnictva Hrodzienskaha abłvykankama. Košt zakupki — 700 000 rubloŭ. Finansavańnie biaruć z srodkaŭ dziaržustanovy «Apieratar druhasnych resursaŭ». Budaŭnictva płanujuć zaviaršyć da 13 śniežnia 2022 hoda.
U ramkach zaviaršeńnia budaŭnictva adramantujuć albo zamieniać adnavalny šrodar drobnaj frakcyi, skazana ŭ techničnym zadańni. Taksama naładziać liniju pa vytvorčaści RDF-paliva.
RDF-paliva, abo Refuse Derived Fuel, — paliva, jakoje składajecca z pakinutych paśla sartavańnia adkidaŭ, paviedamlaje info.ecoidea.by.
Jaho vyrablajuć z adkidaŭ, jakija zastajucca paśla adboru druhasnaj syraviny i arhaniki. U ich lik uvachodziać materyjały, jakija nie pierapracoŭvajucca, a taksama tyja, jakija pierapracoŭvajucca, ale mocna zabrudžanyja. Reštki zdrabniajuć i presujuć ŭ hranuły i brykiety.
Spažyŭcami RDF-paliva źjaŭlajucca, pierš za ŭsio, cemientnyja zavody i mietałurhičnyja piečy. Abstalavańnie takich pradpryjemstvaŭ dazvalaje spalvać paliva pry vysokich tempieraturach, što źnižaje kolkaść škodnych rečyvaŭ u vykidach. Vykarystoŭvać takoje paliva pry bolš nizkich tempieraturach niebiaśpiečna dla navakolnaha asiarodździa i zdaroŭja čałavieka. Mienavita tamu nielha vykarystać RDF-paliva ŭ kamunalnych piečach i kacielniach.
Na adnoj sa stadyj vytvorčaści RDF-paliva pavinna być praduhledžana vymańnie niebiaśpiečnych adkidaŭ, bo jany ŭjaŭlajuć niebiaśpieku pry pierapracoŭcy i traplańni ŭ kančatkovy pradukt. Naprykład, batarejki, reštki lekaŭ, hraduśniki. Kali na pradpryjemstvie nie praduhledžany hety etap, to vytvorčaść stanovicca niebiaśpiečnaj dla navakolnaha asiarodździa i zdaroŭja čałavieka.
Ekołahi rajać pamienšyć kolkaść adkidaŭ, a nie «karmić» pradpryjemstvy pa vytvorčaści RDF-paliva. U vypadku RDF niebiaśpiečnym dla zdaroŭja i navakolnaha asiarodździa budzie vykarystańnie paliva, a nie praces jaho vytvorčaści.
Tym časam dziaržaŭny partał minsknews.by u 2022 hodzie kaža, što RDF-paliva «vyratuje śviet» i «vyrašyć usie ekałahičnyja prablemy». U płanach uładaŭ — dva bujnyja zavody pa vytvorčaści hetaha paliva: adzin — u Hrodzienskaj vobłaści kala pradpryjemstva «Krasnasielskbudmateryjały», druhi — u Kryčavie Mahiloŭskaj vobłaści. Abjom vytvorčaści aceńvajecca ŭ 600 tysiač ton u hod. Heta adpaviadaje patrebam cemientnych zavodaŭ.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary