Pryjom dakumientaŭ na humanitarnuju vizu Polščy spynili vizavyja centry Minska, Homiela i Mahilova
Biełaruskija turahienctvy, jakija dapamahajuć z afarmleńniem šenhienskich viz, raspaviali pra novyja detali atrymańnia polskaj humanitarnaj vizy. Pa ich słovach, padać dakumienty ciapier možna tolki ŭ vizavych centrach Bresta, Baranavičaŭ i Pinska. «Zierkała» daviedałasia padrabiaznaści.
Kab razabracca, jak ciapier biełarusam padavać dakumienty na atrymańnie humanitarnaj vizy, žurnalisty patelefanavali ŭ konsulski adździeł pasolstva Polščy ŭ Biełarusi. Tam paćvierdzili: śpis haradoŭ, u jakich možna padacca na vizu, staŭ mienšy.
—Vizavyja centry horada Minska, Homiela i Mahilova spynili pryjom dakumientaŭ na humanitarnyja vizy, — zajaviŭ pradstaŭnik konsulskaha adździeła. — Ale kali ŭ vas minskaja prapiska, vy možacie źviarnucca da nas napramuju pa elektronnaj pošcie.
U takim vypadku, adznačyli ŭ viedamstvie, situacyju razhledziać indyvidualna i možna budzie padać dakumienty ŭ Minsku. Praŭda, dla asabistaha razhladu Vašaj zajaŭki konsulstvam treba budzie abhruntavać fakt represij i prykłaści skany paćviardžajučych dakumientaŭ.
Na pytańnie, što rabić tym, chto prapisany nie ŭ Minsku, a, naprykład, u Mahiloŭskaj vobłaści, rastłumačyli: kali jość padstavy ličyć, što vy padvierhlisia represijam, možna taksama padavać dakumienty ŭ stalicy ŭ indyvidualnym paradku, pierad hetym napisaŭšy na poštu. Kali dakumientalnych paćvierdžańniaŭ niama, treba budzie źviartacca ŭ vizavyja centry Bresckaj vobłaści.
— Viciebsk, Minsk, Homiel i Mahiloŭ [ciapier] absłuhoŭvaje konsulstva ŭ Miensku, i ich vizavyja centry, adpaviedna, taksama.
— Čamu vyrašyli pamienšyć kolkaść haradoŭ, dzie možna padać dakumienty na humanitarnuju vizu?
— Heta pastanova Ministerstva zamiežnych spraŭ Polščy, tut kamientavać składana. Ale ŭ nas skaračajecca kolkaść dypłamataŭ, supracoŭnikaŭ, i tamu krychu skaračajecca i kolkaść prymanych dakumientaŭ.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary