Krynicy: U Biełarusi aktyŭna vučać rasijskich «mobikaŭ», palihony pad Asipovičami i Baranavičami zabityja ruskimi
Jak stała viadoma «Našaj Nivie», biełaruskija instruktary rychtujuć rasijskich mabilizavanych da vajny va Ukrainie.
Jak paviedamili surazmoŭcy «Našaj Nivy», «pad kraj zabity ruskimi» palihon «Asipovicki», raźmieščany niepadalok ad horada Asipovičy Mahiloŭskaj vobłaści.
Adznačajecca, što prybyvać ruskija tudy stali jašče da taho, jak było aficyjna abvieščana ab stvareńni «sumiesnaj hrupoŭki vojskaŭ».
Na hetym palihonie viadziecca padrychtoŭka artylerystaŭ.
U cełym, dziaržaŭnaja presa zdavion nazyvaje hety horad «stalicaj biełaruskaj artyleryi», padkreślivajučy raznastajny reljef i vializnuju terytoryju.
Inšyja surazmoŭcy «Našaj Nivy» adznačajuć, što 230-ty ahulnavajskavy palihon kala vioski Dzieraŭnaja pad Baranavičami taksama poŭny ruskimi.
Jany prachodziać tam navučańnie ŭ stralbie z roznych vidaŭ zbroi.
Miascovyja žychary abaznačajuć kolkaść raźmieščanych ruskich «da pary tysiač», pravieryć hetuju infarmacyju pakul niemahčyma.
Alaksandr Łukašenka anansavaŭ, što ŭ Biełaruś prybuduć 9 tysiač rasijskich sałdat. Hetuju ličbu niemahčyma niezaležna pravieryć. Raniej Minsk nie raz raspaŭsiudžvaŭ zaviedama chłuślivyja źviestki. Tak, napiaredadni napadu Rasii na Ukrainu ŭ lutym 2022-ha minskaja administracyja zapeŭnivała, što rasijskija vojski prybyli ŭ Biełaruś na vučeńni i pakinuć krainu adrazu paśla ich. Adnak u vyniku tyja Biełaruś nie pakinuli, zatoje pierajšli miažu z Ukrainaj.
Ludzi na miescach adznačajuć, što ŭ biełaruskaj kamiendatury i ŭnutranych vojskaŭ nie atrymlivajecca trymać vialikuju kolkaść ruskich u poŭnym padparadkavańni, i ŭ «mobikaŭ» užo ŭźnikali kanflikty ź miascovym nasielnictvam pad Baranavičami.
«Adzinyja zadavolenyja ad takoha susiedstva — dyrektary praduktovych mahazinaŭ», — kažuć našy surazmoŭcy.
Taksama peŭnaja kolkaść ruskich raźmiaščajecca ŭ rajonie aeradroma «Ziabraŭka» pad Homielem, paviedamlajuć nam miascovyja žychary. Ale heta, imavierna, nie mabilizavanyja, a kadravyja vajskoŭcy. «Ziabraŭku» rasijanie vykarystoŭvali jak bazu dla ŭvarvańnia na pieršym etapie vajny.
Ab tym, što ŭ Biełarusi płanujecca rychtavać vialikija masy mabilizavanych rasijan, «Naša Niva» paviedamlała raniej.
Stała viadoma pra heta paśla paviedamleńniaŭ ab reziervavańni vajskoŭcami prapusknych zdolnaściaŭ Biełaruskaj čyhunki.
«Pa majoj infarmacyi, idzie padrychtoŭka dla pryniaćcia rasijskich mabilizavanych na biełaruskich palihonach, vučebnych centrach i vajskovych čaściach. U nas jość i miescy dla trenirovak, i instruktary. Mahčyma, Rasija patrabuje ad Łukašenki, kab navučańnie častki mabilizavanych rasijskich vajskoŭcaŭ prachodziła ŭ Biełarusi i pravodzili jaho biełaruskija siłaviki», — vykazvaŭ mierkavańnie surazmoŭca «Našaj Nivy» ź liku dziejnych aficeraŭ.
Čytajcie taksama: Na fonie sustrečy Łukašenki ŭ Pucina siłavyja struktury Biełarusi pieraviedzienyja va ŭzmocnieny režym niasieńnia słužby. Što adbyvajecca?
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary