Da prahramy dobraachvotnaha nazapašvalnaha piensijnaha strachavańnia dałučylisia bolš za try tysiačy biełarusaŭ
U Biełarusi pačała pracavać sistema dobraachvotnaha nazapašvalnaha piensijnaha strachavańnia, raskazała ministarka pracy i sacyjalnaj abarony Biełarusi Iryna Kaścievič.
Štomiesiačnyja adličeńni, pa słovach ministarki, składajuć ad 1 da 10% zarobku čałavieka. Taki ž uznos zrobić pracadaŭca, ale nie bolš za 3%.
Jak adznačyła ministarka, čałaviek nie moža zabrać nazapašanuju sumu daterminova, heta značyć da svajho vychadu na piensiju. «U luby čas čałaviek moža prypynić vypłatu hetaha taryfu, hetaha ŭniosku. Ale hetyja hrošy buduć lažać da vychadu hetaha čałavieka na piensiju», — udakładniła Kaścievič.
Zabrać hrošy daterminova možna tolki ŭ vypadku śmierci čałavieka (tady hrošy atrymajuć spadčyńniki) ci pry atrymańni I i II hrupy invalidnaści.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary