Staršyniu niezaležnaha prafsajuza na MAZie i jašče adnaho palitviaźnia asudzili da 4 i 5 hadoŭ kałonii
U Minskim haradskim sudzie 13 kastryčnika asudzili palitźniavolenych: staršyniu pieršasnaj prafsajuznaj arhanizacyi Svabodnaha prafsajuza mietalistaŭ na MAZie Arcioma Žernaka, a taksama Daniiła Čaŭnakova.
29-hadovy Arciom Žernak i 20-hadovy Daniił Čaŭnakoŭ byli zatrymanyja 17 listapada 2021 hoda. Amal hod jany znachodziacca pad vartaj u SIZA-1, paviedamlaje «Viasna».
U Minskim haradskim sudzie ich sudzili pa troch artykułach Kryminalnaha kodeksa: č. 3 art. 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś); č. 1 art. 342 (udzieł u dziejańniach, jakija hruba parušajuć hramadski paradak); č. 1 art. 361-1 (stvareńnie ekstremisckaha farmiravańnia abo ŭdzieł u im).
Sud adbyvaŭsia ŭ zakrytym režymie, tamu padrabiaznaści spravy nieviadomyja.
Arciom nie zhodny z vyniesienym rašeńniem i maje namier jaho abskardzić. U najbližejšy čas budzie padadziena apielacyja na prysud suda.
Kamientary