Maryja Kaleśnikava stała hanarovaj prafiesarkaj Zalcburhskaha ŭniviersiteta Mocarta
Asudžanaja na 11 hadoŭ kałonii Maryja Kaleśnikava atrymaje zvańnie hanarovaj prafiesarki Zalcburhskaha ŭniviersiteta Mocarta (Mocarteum). Uračystaja cyrymonija adbudziecca 30 kastryčnika ŭ miežach prajekta mastackaj uzajemapadtrymki «Practicing Care».
Siarod zaprošanych haściej — fiłosafka Volha Šparaha, siastra Maryi i aktyvistka Taćciana Chomič, rektarka Mocarteuma Elizabet Huciar, błokflejtystka i prafiesarka Darateja Oberlinher i inšyja.
Prajekt «Practicing Care» byŭ zasnavany ŭ 2022-m hodzie ŭ Zalcburhskim univiersitecie Mocarta i maje na mecie pryciahnuć uvahu da mižnarodnaj sacyjalnaj adkaznaści jeŭrapiejskich univiersitetaŭ mastactvaŭ, padtrymać tvorcaŭ, jakija paciarpieli za svaju hramadzianskuju pazicyju, i stvaryć umovy dla plonnaha mižkulturnaha dyjałohu.
U miežach adnoj ź inicyjatyŭ prajekta Sienat Zalcburhskaha ŭniviersiteta Mocarta daje zvańnie hanarovaj prafiesarki biełaruskaj flejtystcy, vykładčycy i pravaabaroncy Maryi Kaleśnikavaj, asudžanaj na radzimie na 11 hadoŭ kałonii ŭzmocnienaha režymu.
Pavodle arhanizataraŭ, ušanavańnie hramadskaj i palityčnaj dziejnaści Maryi Kaleśnikavaj maje važny simvaličny pasył nie tolki dla biełaruskaha, ale i zachodniejeŭrapiejskaha hramadstva.
Pradstaŭlać Maryju na cyrymonii budzie jaje siastra Taćciana Chomič.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie21
Kamientary