Vajna44

«Hienierał-pałkoŭnik Łapin prystaviŭ pistalet da hałavy kamandzira 5-j roty z patrabavańniem iści nazad». Jak vajujuć mabilizavanyja rasijanie 

Rasijski telehram-kanał SOTA atrymaŭ tekst zvarotu adnaho z mabilizavanych maskvičoŭ, jaki niekalki dzion prabyŭ biez kamandavańnia i zabieśpiačeńnia na pieradavoj i ŭ vyniku biez zahadu adstupiŭ u Svatava na Łuhanščynie razam ź inšymi vajakami. Sa zvarotu vidać, što mabilizavanyja vykarystoŭvajucca jak harmatnaje miasa i staŭleńnie z boku kamandziraŭ da ich adpaviednaje.

Fota ilustracyjnaje

Pavodle tekstu dakumienta, napisanaha žonkaj mabilizavanaha ź jaho słoŭ, maskvič byŭ pryzvany 22 vieraśnia, atrymaŭ iržavy aŭtamat i ŭžo 7 kastryčnika, nie prajšoŭšy navučańnia, akramia adnaho dnia strelbaŭ, byŭ vyviezieny ź Biełharodskaj vobłaści va Ukrainu.

Tam ichnija padraździaleńni, jakija zalehli ŭ lesapałasie, dva dni abstrelvalisia i nieśli straty jak u technicy, tak i ŭ ludziach. U vyniku ŭsich hetych padziej aŭtar tekstu razam z kalehami i adstupili ŭ Svatava, dzie byli vymušany čakać novych zahadaŭ, bo, jak uciekačoŭ ź pieradavoj, vajskoŭcaŭ nie puskali ŭ horad:

«Pakolki nie było nijakich aficeraŭ i kamandavańnia, my pastavili sabie zadaču znajści štab i spytać pra dalejšyja dziejańni. Stajali my na zapraŭcy, da nas pryjechaŭ hienierał-pałkoŭnik Łapin sa svajoj asabistaj achovaj.

Daviedaŭšysia pra situacyju z adstupleńniem, hienierał-pałkoŭnik Łapin prystaviŭ pistalet da hałavy kamandzira 5-j roty lejtenanta V* z patrabavańniem iści nazad, a taksama ad jaho hučała vielmi šmat abraz u naš adras (zdradniki, dezierciry i vielmi šmat łajankavych słoŭ).

Bližej da viečara hetaha dnia asabistaja achova hienierał-pałkoŭnika Łapina zaŭvažyła dron, u toj ža momant hienierał-pałkoŭnik Łapin i pałkoŭnik Rumiancaŭ źjechali ŭhłyb Svatava, pakinuŭšy nas pad adkrytym niebam i pastaviŭšy dvuch bajcoŭ vajskovaha patrula na achovu nas z zahadam «krok naprava, krok naleva — rasstreł».

Praz 1,5 hadziny pryjechaŭ pałkoŭnik Rumiancaŭ. My ŭ jaho paprasili ježy i vady, na što jon nam adkazaŭ: «Takaja padal, jak vy, nie pavinna ni žerci, ni pić, ni spać», — paśla čaho jon daŭ zahad vajskovamu patrulu advieźci nas u les na haru, pa vyniku pryjšłosia spać znoŭ na ziamli.

Ranicaj nastupnaha dnia znoŭ pryjechaŭ pałkoŭnik Rumiancaŭ u stanie ałkaholnaha apjanieńnia, pačaŭ vykazvacca ŭ abraźlivaj formie i słoŭna źnievažać, tym samym cisnuć na psichiku. Zatym dniom pryvioz ježy i vady.

Praz hadzinu da nas pryjechali bajcy PVK «Vahnier», jakija taksama nas pačali abražać (nazyvali zdradnikami Radzimy, bajaźliŭcami, deziercirami), i da ich syšli bajcy z 5-j roty. Bližej da viečara pryjechali dva KamAZy i pavieźli nas na miažu RF pad Biełharad».

Ciapier žonka aŭtara zvarotu paskardziłasia na toje, što adbyvajecca, u vajskovuju prakuraturu i ambudsmienu: žančyna, jakaja adna vychoŭvaje dvaich maleńkich dziaciej, raźličvaje na demabilizacyju muža. Jon z kalehami zastajecca ŭ čaści ŭ Biełharodskaj vobłaści bieź jakoha-niebudź zabieśpiačeńnia, na ich akazvajecca cisk z metaj viartańnia na front.

Takija kalektyŭnyja skarhi, jak śćviardžaje kanał SOTA, pišuć i inšyja svajaki tych mabilizavanych, jakija trapili ŭ anałahičnaje stanovišča.

Čytajcie taksama:

«Nie pajedu va Ukrainu, nie budu stralać». U Rasii zaviali pieršuju kryminalnuju spravu za admovu mužčyny jechać na vajnu

Krynicy: U Biełarusi aktyŭna vučać rasijskich «mobikaŭ», palihony pad Asipovičami i Baranavičami zabityja ruskimi

Kala 20 mabilizavanych rasiejcaŭ utrymlivajuć u padvałach «ŁNR» z-za admovy iści na pieradavuju biez padrychtoŭki i kamandavańnia

Mabilizavany deputat z Krasnadara, jaki aktyŭna padtrymlivaŭ vajnu, paskardziŭsia, što jaho i inšych vajskoŭcaŭ kinuli ŭ pole «jak sabak»

Kamientary4

  • SHOS
    26.10.2022
    Słava Hierojam!, Sohłasien połnosťju. Čto možiet sdiełať odin tołstopuzyj duračok protiv roty? Načnietsia a odnoj rotie - pieriekinietsia na druhuju. Potom połk, brihada. I poniesłaś. Kak možno tierpieť podobnoje, kohda u tiebia tri mahaziny s bojevymi patronami...
  • Takich rašysckich miarzot***aŭ nie škada
    26.10.2022
    Źviarnicie ŭvahu, što ŭsie hetyja ‘niezadavolenyja' ruzzkija nie vystupajuć suprać vajny, usia ich niezadavolenaść nakiravana vyklučna na adsutnaść kamandavańnia, navučańnia i narmalnaha zabieśpiačeńnia. To bok kali b ich navučyli i zabiaśpiečyli, to pytańniaŭ by nie było - jany i nadalej išli by zabivać ukrancaŭ.
  • Dimitry
    27.10.2022
    Kakije vsio Hieroi eti kommientatory. Iz vas kto-nibud́ ubivał čiełovieka? A eti russkije mobiki prijechali zarabotať dienieh, no kak vsiehda rabotať to my i nie umiejem. "My", potomu čto vas eto tožie kasajetsia.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Iłan Mask abviaściŭ ab stvareńni svajoj partyi3

Iłan Mask abviaściŭ ab stvareńni svajoj partyi

Usie naviny →
Usie naviny

Šviejcarski hramadski basiejn zabaraniŭ uvachod usim zamiežnikam — usio praz drennyja pavodziny francuzaŭ4

Pačaŭsia Budsłaŭski fest. Sioleta tam adbudziecca asablivaja padzieja4

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI13

Knyrovič raskazaŭ, što treba rabić Cichanoŭskamu, kab vyzvalić palitviaźniaŭ7

Tramp skazaŭ Zialenskamu, što choča dapamahčy Ukrainie z supraćpavietranaj abaronaj4

«Spytali, čyj Krym». Biełarus padaŭsia adrazu na dva DNŽ u Polščy i Litvie, a ŭ vyniku musiŭ pakinuć ES9

Zialenski pahavaryŭ z Trampam pa telefonie. Abmierkavali pastaŭki zienitnych rakiet1

«Abarani suvierenitet svajoj Radzimy!» Na miažy Ukrainy i Biełarusi z nahody 3 lipienia źjaviŭsia płakat z Pucinym8

Usaŭ pastaviŭ kryž na palityčnaj karjery Siarhieja i Śviatłany Cichanoŭskich48

bolš čytanych navin
bolš łajkanych navin

Iłan Mask abviaściŭ ab stvareńni svajoj partyi3

Iłan Mask abviaściŭ ab stvareńni svajoj partyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić