Zialenski: Rasijanie nie hatovyja pakinuć Chierson, heta infarmacyjnaja apieracyja
«Ja nie baču, kab jany biehli z Chiersona. Heta infarmacyjnaja ataka. Ja nie mahu vydavać usio. Heta ataka, kab my pajšli tudy, zabrali ludziej ź inšych niebiaśpiečnych napramkaŭ tudy. Heta była ich infarmacyjnaja apieracyja. Jany nie hatovyja pakinuć Chierson», — skazaŭ prezident Ukrainy ŭ intervju italjanskamu vydańniu Corriere della Sera.
Zialenski taksama paviedamiŭ, što najbolš padrychtavanyja rasijskija sałdaty zastajucca na svaich miescach. U toj ža čas, pa jaho słovach, rasijanie viedajuć, što nie zmohuć vyjści z akružeńnia ŭ Chiersonie, kali ŭkrainskija vojski dasiahnuć tam pośpiechu.
Na pytańnie, ci zmoža Ukraina vyzvalić Chierson, Zialenski adkazaŭ: «Viadoma, zmoža. Heta składana, tamu što canoj źjaŭlajucca ludzi. My stavimsia da ludziej nie tak, jak u Rasii. Dla jaje nie maje značeńnia, kolki ludziej pamre zaŭtra. A dla nas heta vielmi važna, my nie možam tak rabić. Nie možam skazać: «Idzicie tudy i pamirajcie».
Tamu my dumajem, šukajem šlachi, prosim partnioraŭ dać nam bolš braniravanaj techniki, kab zachavać bolš ludziej».
Kamientary