Pieršym krokam da mirnych pieramovaŭ Ukrainy i Rasii pavinien być vychad akupacyjnych vojskaŭ z ukrainskaj terytoryi.
Pra heta prezident Ukrainy zajaviŭ padčas razmovy sa studentami i pradstaŭnikami prafiesarska-vykładčyckaha składu Jelskaha ŭniviersiteta.
«Mnie ŭ cełym užo składana skazać, chto taki prezident Pucin ci što heta. Pucin siońnia — heta koła ludziej, heta vajskova-palityčnaje kiraŭnictva pad brendam «Pucin», jaki idzie ahresiŭnymi krokami pa źniščeńni nacyi», — skazaŭ jon.
Prezident padkreśliŭ, što Ukraina nie hatovaja havaryć siońnia z Pucinym i ŭ cełym z takim režymam i padychodam niepavahi suvierenitetu i svabody. Tak, niepavaha prajaŭlajecca jak minimum u tym, što rasijskija vajskoŭcy znachodziacca na terytoryi Ukrainy i zabivajuć tut.
«Tamu, pieršy pavinien być krok — vyjści z našych terytoryj», — adznačyŭ jon.
Pry hetym Zialenski dadaŭ, što dalejšaja razmova budzie zaležać i ad taho, jak mienavita rasijcy pakinuć Ukrainu.
«Tut zaležyć ad vajenna-palityčnaha kiraŭnictva RF, što jany vybirajuć. Pryčym jany vybirajuć nie dla nas. Jany vybirajuć farmat dyjałohu dla svajho hramadstva, niekalki hadoŭ paśla vajny jano budzie izalavana ad śvietu — 10-20 abo 100 hadoŭ. Tamu što kali ŭ ciabie ruki ŭ kryvi — nichto nie choča cisnuć tabie ruku, a admycca vielmi składana», — adznačyŭ prezident Ukrainy.
Kamientary