Čempijon Biełarusi pa futbole vyznačyŭsia ŭžo ŭ pačatku kastryčnika, za čatyry tury da finišu za jaŭnaj pieravahaj na vierchniuju prystupku tablicy ŭzyšoŭ barysaŭski BATE.
Čempijon Biełarusi pa futbole vyznačyŭsia ŭžo ŭ pačatku kastryčnika, za čatyry tury da finišu za jaŭnaj pieravahaj na vierchniuju prystupku tablicy ŭzyšoŭ barysaŭski BATE.Heta ŭžo šosty tytuł dla kamandy z horadu nad Biarezinaj. U 1999 i 2002 da załatych miedaloŭ kłub pryvodziŭ Jury Puntus, u 2006 i 2007 — Ihar Kryvušenka, a ŭ apošnich dvuch siezonach — Viktar Hančarenka.
Dla zavajavańnia čarhovaha tytułu BATE zastavałasia ŭ paniadziełak doma pieramahčy navapołacki "Naftan". Dumajecca, što zališniaj patreby ŭ nastrojvańni chłopcaŭ na matč nie było.
Užo ŭ pieršym tajmie BATE aformiŭ pryhožuju bujnuju pieramohu, dziakujučy hałam Radzivonava (dva), Šytava i Kryŭca — 4:0. U druhim tajmie kamanda Hančarenki paškadavała supiernikaŭ, bolš hałoŭ nie było.
A paśla hulcy śpiavali «We are the champions».
Šmat chto z analitykaŭ prahnazavaŭ, što hety hod dla barysaŭcaŭ stanie bolš składanym za papiaredni, bo syšoŭ ceły šerah lideraŭ. Tym nie mienš, dośvied atrymany ŭ hulniach Lihi čempijonaŭ akazaŭsia vyznačalnym. Užo ź pieršych turaŭ BATE pajšoŭ adryŭ i liderstva nie hublaŭ.
U adsutnaść Radzivonava, Bliźniuka, Chahuša rolu pieršych skrypak uziali na siabie Kryviec, Skavyš, Šytaŭ. Niezamiennych hulcoŭ nie akazałasia. A vychad u hrupavy etap Lihi Jeŭropy pakazaŭ, što letašni pośpiech nie byŭ vypadkovaściu.
A toje, što skład staŭ navat macniejšym havoryć toj fakt, što letašni stabilny hulec asnovy Uładzimir Ržeŭski siadzieŭ u zapasie. Darečy, jašče adna z charaktarystyk siońniašniaha BATE — heta adsutnaść u startavym składzie lehijanieraŭ. Ałumona, Haaran i Ržeŭski vychodzili tolki na zamieny.
Zrešty, nazvać sioleta BATE niepieramožnym jazyk taksama nie pavaročvajecca, što dakazali "Šachcior" i "Dniapro", adnak kankurenty byli jašče ŭ horšym stanoviščy. Znoŭ trenierskija rakiroŭki byli ŭ minskim "Dynama", finansavy kryzis adbiŭsia na MTZ-RIPA, pačatak pieršynstva zavaliŭ "Šachcior". Nie dziva, što pry takim raskładzie zołata BATE addavali jašče paśla pieršaha kruhu.
Zrešty, čempijonstva kamandy Hančarenki nie pryčyna pierastać chadzić na stadyjonie. Razborki za astatnija miedali, a taksama za miesca ŭ elicie abiacajuć być śpiakotnymi.
Ciapier u BATE šeść čempijonskich tytułaŭ, u minskaha "Dynama" — siem. Što budzie naleta? BATE dahonić, "Dynama" adarviecca, ci znojdziecca niechta treci?
Zahinuŭ biełaruski dobraachvotnik Vasil «Dzir» Rapicki11
Kamientary