Nacyjanalny bank Biełarusi vypuściŭ u abaračeńnie novyja załatyja maniety «Słavianka» naminałam u 50 rubloŭ. Jany źjaviacca na rynku ŭžo z 3 listapada.
Hetyja maniety mohuć prymacca pa naminalnym košcie pry ŭsich vidach płaciažoŭ, ale dla takoj mety ich vykarystoŭvać, viadoma, nichto nie budzie, bo kaštujuć jany našmat daražej.
Košt prodažu dla bankaŭ składaje 1090,41 rubla, jurydyčnym i fizičnym asobam — 1111,18 rubla. Košt pakupki — 1004,98 rubla. Takija maniety pryznačanyja pieradusim dla inviestavańnia i nakapleńnia.
Na adnym baku maniety «Słavianka» vyjaŭleny dziaržaŭny hierb, na inšym — vobraz maładoj žančyny ź niemaŭlom na rukach u atačeńni dźviuch rajskich ptušak. Adznačajecca, što heta «ŭniviersalny ahulnasłavianski simvał, jaki vałodaje hłybokim unutranym patencyjałam».
Pakul manieta vypuščanaja nakładam usiaho ŭ 5 tys. štuk.
Pieršyja inviestycyjnyja maniety «Słavianka» byli ŭviedzienyja ŭ abaračeńnie ŭ Biełarusi ŭ 2013 hodzie. Nakład abjomam u 100 tys. štuk byŭ adčakanieny ŭ Šviejcaryi.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary