Pra rejd łukašystaŭ pa akademičnych instytutach «Našaj Nivie» paviedamili kalehi zatrymanych.
Infarmacyja dahetul davoli ŭryŭkavaja, bo ŭzrovień strachu vysoki.
«Našaj Nivie» viadoma, što na minułym tydni zatrymlivalisia troje navukoŭcaŭ ź Instytuta bijaarhaničnaj chimii navukova-pramysłovaha centra «ChimFarmSintez». Ich adpuścili, ale ŭziali padpisku ab nierazhałošvańni.
Była zatrymanaja supracoŭnica Fizika-techničnaha instytuta.
Jak minimum adno zatrymańnie adbyłosia ŭ prezidyumie NAN.
Supracoŭniki Kamiteta dziaržaŭnaj biaśpieki prychodzili taksama ŭ Centr daśledavańniaŭ biełaruskaj kultury, movy i litaratury. Heta, mahčyma, adbyłosia ranicaj 26 kastryčnika.
U instytucie fiłasofii ŭ supracoŭnikaŭ praviarali telefony: prahladali fotahalereju i telehram. Toje ž samaje rabiłasia i ŭ inšych akademičnych instytutach.
Jašče ŭ adnym instytucie siłaviki razmaŭlali z supracoŭnikami ŭ kabiniecie dyrektara. Razmova viałasia sam-nasam. Ludziej zabirali z pracoŭnych kabinietaŭ i łabaratoryj biez papiaredžańnia. Niekatorym supracoŭnikam prapanoŭvali supracu ź siłavikami.
Častku zatrymanych zavieźli na dopyt u Kamitet dziaržaŭnaj biaśpieki i paźniej adpuścili. Častku, jak minimum 5 ci 6 čałaviek, adpravili na sutki na Akreścina.
Usiaho pa infarmacyi «Našaj Nivy» ź dźviuch krynic, zatrymlivalisia 44 supracoŭniki. Kali vy majecie bolš infarmacyi, pišycie ŭ naš telehram-bot @Nasa_Niva_Bot abo tym redaktaram i žurnalistam «Našaj Nivy», kaho viedajecie asabista.
Niekatoryja navukoŭcy kažuć, što «pieršy adździeł» — heta značyć, KDB — źbiraje infarmacyju pra toje, jakija spasyłki supracoŭniki Akademii navuk adkryvajuć na svaich pracoŭnych kampjutarach.
Jakaja łohika prasočvałasia ŭ apošnich zatrymańniach? Zdajecca, łukašysty pryjšli da ŭdzielnikaŭ telehram-čatu «Navukoŭcy suprać hvałtu».
Čat «Navukoŭcy suprać hvałtu» byŭ pryznany łukašenkaŭcami «ekstremisckim». «Ekstremisckim» ułady pryznajuć usie niepadkantrolnyja im resursy i arhanizacyi, lubuju dziejnaść niezaležnaha charaktaru.
Jak paźniej stała viadoma, 41 z 44 zatrymanych užo vyjšli na svabodu. Siarod zatrymanych — viadomy movaznaviec Siarhiej Haranin, a taksama 56-hadovaja žančyna z prezidyuma NAN.
Čytajcie taksama:
«Nam budzie vielmi ciažka vyrvacca». Ščyry Bancar — pra HUBAZiK, pracu kačaharam i svaju asabistuju parazu
«Jaho ŭžo čakali — prystavili pistalet da hałavy i skazali, što jon užo pryjšoŭ». Pra homielskaha chłopca, jaki siadzić za luboŭ da Ukrainy, raskazvaje siastra
MUS praviało vučeńni ŭ turmie, čakajučy novych pratestaŭ
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary