Pres-sakratarka Minarchitektury chodzić u Chanel, Burberry, Yves Saint Laurent — aryhinał ci padrobka?
Pres-sakratarka Ministerstva architektury i budaŭnictva Anastasija Rudzkaja lubić darahija brendy. Ci heta nie sapraŭdny luks?
U brendavaj sukiency pres-sakratarku zaŭvažyli na minułym tydni na forumie maładych žurnalistaŭ, dzie sabralisia pradstaŭniki dziaržaŭnych ŚMI. Łahatyp Chanel, ale… U aryhinalnaj sukiency brenda kišeni pašytyja zusim nie tak.
«Vidać, što dla čornaj sukienki vykarystanyja biełyja nitki. Takoha prosta nie moža być u aryhinale, heta niedapuščalna, — zaŭvažaje stylistka, da jakoj źviarnułasia «Naša Niva». —
Na šyi, chutčej za ŭsio, taksama nie aryhinał: takoj formy chustki ŭ Chanel ja jašče nie sustrakała. Zvyčajna jany zaŭsiody kvadratnyja. Jašče chustka na fota maje padazrony blask — sapraŭdny šoŭk nie budzie bliščeć. Chutčej za ŭsio, chustka zroblena z paliesteru».
Sukienka nibyta ad Burberry, vierahodna, taksama nie źjaŭlajecca aryhinałam. U nadpisie brenda druhaja i apošniaja litary napisanyja nie tak, u aryhinale šryft sprava bolš tonki.
Sumka Yves Saint Laurent vyhladaje jak kopija. U aryhinale ŭ sumki skura hlancavaja, tut — bolš matavaja.
«Taksama niezrazumieła, što na huzikach. U Burberry — znak rycara abo nazva brenda. U aryhinale huziki plaskatyja, tut jany vypukłyja», — tłumačyć stylistka.
Jašče adna sukienka z łahatypam Chanel taksama padobnaja da kopii. Pry stykoŭcy švoŭ u aryhinale ŭsio pavinna supadać. Tut malunak razychodzicca (heta zaŭvažna, kali pres-sakratarka padymaje ruku).
Chto takaja Anastasija Rudzkaja?
Dziaŭčyna naradziłasia ŭ Baranavičach. U 2021-m skončyła fakultet žurnalistyki BDU pa śpiecyjalnaści «drukavanyja ŚMI».
Jašče ŭ studenctvie jana pačała pracavać na BT, była karespandentkaj u prahramie «Dobraj ranicy, Biełaruś!» na «Biełaruś 1» i viadučaj «Ničieho siebie ńjuz» na «Biełaruś 2».
«Samymi zapaminalnymi vydalisia zdymki repartaža pra śpiecnaz, — raskazvała jana ŭ intervju «Narodnaj haziecie». — Ja prymiarała ekipiroŭku, pieraadoleła pałasu pieraškod i navat stralała sa zbroi. Nie mahu zabyć zdymki ŭ Vajskovaj akademii. Tam ja ŭpieršyniu palatała na viertalocie. Emocyi bili cieraz kraj!»
U lutym 2021-ha, praz paru miesiacaŭ paśla falsifikacyj i źvierstvaŭ 2020-ha, Rudzkaja była maderatarkaj sustrečy Łukašenki sa studentami.
Na joj Łukašenka padaryŭ dziaŭčynie ručku.
«Dzie znachodzicca zaraz ručka, nie skažu, bo ŭ mianie ž mohuć być sakrety?
Skažu tolki, što zachoŭvaju jaje ŭ nadziejnym miescy. Hetaja ručka stanie maim talismanam», — havaryła Rudzkaja ŭ intervju «Znamia junosti».
Taksama jana raskazvała, što paśla sustrečy z Łukašenkam na jaje «abrynułasia chvala chiejtu».
Aburylisia prysutnaściu Rudzkaj na sustrečy z Łukašenkam u tym liku jaje adnakurśniki. Tady Rudzkaja stała pahražać studentam, što napiša na ich zajavy ŭ milicyju.
«Ale ciopłych słoŭ u moj adras pastupiła ŭ razy bolš, — dzialiłasia jana. — Mnie telefanavali blizkija, nastaŭniki, byłyja adnakłaśniki, kazali, što vielmi mnoj hanaracca. Prychodzili i da hetaha času prychodziać paviedamleńni navat ad nieznajomych ludziej, jany padtrymlivajuć i matyvujuć ruchacca dalej».
Dzialiłasia jana i svaimi ŭražańniami ad sustrečy z Łukašenkam.
«Heta byŭ vielmi karysny dyjałoh, — kazała jana «SB. Biełaruś siehodnia». — Akramia taho, vydatnaja interaktyŭnaja placoŭka dla taho, kab kožny student moh vykazacca. My atrymali adkazy na samyja chvalujučyja pytańni. Tyja, jakija zaraz u bolšaj stupieni chvalujuć moładź i ŭsio studenctva. Bo ŭ niejkaj miery mienavita jany farmirujuć vyznačany viektar dla ruchu napierad. Vielmi kruta, što razam z nami byli i studenty z rehijonaŭ.
Akramia taho, vieści mierapryjemstva takoha maštabu, nie budu chavać, było dastatkova chvalujuča. Adnak, niahledziačy na toje, što na sustrečy ŭzdymalisia važnyja temy, u tym liku palityčnaha charaktaru, u aŭdytoryi panavała družalubnaja atmaśfiera».
Niadaŭna Anastasija Rudzkaja pierajšła z BT na pasadu pres-sakratarki ŭ Ministerstva architektury i budaŭnictva.
Čytajcie taksama:
Pracavała na telekanałach Miedźviedčuka. Chto takaja Nadzieja Sas — novaja prapahandystka STB
«Hałoŭnaje, jak skazaŭ kiraŭnik dziaržavy, — «raździavacca i rabić». Chto taki Mikita Palakievič — novy tvar ANT
Natalla Niemahaj z ANT vyrašyła asabista pahladzieć, jak dehradavała Jeŭropa FOTA
Ciapier čytajuć
Maldyvy, Zanzibar i Italija: kudy paniesła adpačyvać prychilnikaŭ Łukašenki6
Kamientary