Vystava «Šlachami Skaryny», pryśviečanaja 500-hodździu vydańnia «Małoj padarožnaj knižki» biełaruskaha pieršadrukara, adkryłasia ŭ Pałacy mastactva 11 listapada, paviedamlajuć «Minsk-Naviny».
Asnoŭny akcent ekspazicyi zrobleny na hraviurach aŭtara, paznajomicca ź jakimi dazvalajuć faksimile. Pra toje, jakoj raniej była drukavanaja vytvorčaść, možna daviedacca dziakujučy detalovaj rekanstrukcyi drukarni.
Naviedvalnikam viernisažu navat udałosia asabista zaznać usie ciažkaści takoj niaprostaj spravy. Stvaryć adzin list pad nahladam śpiecyjalista atrymałasia tolki za dźvie chviliny — biez uliku času, što pajšoŭ na padrychtoŭku farbaŭ i papiery.
Akramia drukarni, pa pierymietry zały raźmiaścilisia presy kanca XIX stahodździa — masiŭnyja žaleznyja vynachodki čałaviectva, dziakujučy jakim atrymlivalisia vytančanyja hraviury. Jašče adzin vielmi cikavy ekspanat — aryhinalnaje zaprašeńnie na śviatkavańnie 400-hodździa biełaruskaha knihadrukavańnia ŭ Vilni.
Hałoŭnym elemientam vystavy stała sama «Małaja padarožnaja knižka», raźmieščanaja adrazu na ŭvachodzie. Niahledziačy na vialiki ŭzrost, jana zachavałasia ŭ dobrym stanie. Tekst zastaŭsia razborlivym, a hraviuru možna razhladać hadzinami.
Praciahniecca vystava da 15 studzienia.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary