Śviet ahałomšany

Upieršyniu premiju dali nie za spravu, a za słovy. Suśvietnyja ŚMI kamientujuć uručeńnie Nobieleŭskaj premii miru Abamu.

Barak Abama staŭ łaŭreatam Nobieleŭskaj premii miru.

Jon nie pieršy prezident, jaki atrymlivaje premiju mienavita ŭ hetaj halinie. Kiraŭnik Nobieleŭskaha kamitetu Torbjorn Jahłand patłumačyŭ rašeńnie tym, što «Usio, čym zaniaŭsia Abama jak prezident, a taksama toje, jak mocna źmianiŭsia z‑za jaho mižnarodny klimat, źjaŭlajecca ŭžo bolš čym dastatkovaj pryčynaj stać łaŭreatam premii».

Adnak takoje rašeńnie kamitetu stała pryčynaj šyrokaha rozhałasu ŭ śviecie.

Ahladalnik polskaj «Haziety Vyborčaj» Bartaš Vienhlarčyk prakamientavaŭ hetuju padzieju,

nazvaŭšy jaje dehradacyjaj.

«Chiba pieršy raz u historyi Nobieleŭskaj premii miru łaŭreatam staŭ niechta za toje, čaho jašče nie zrabiŭ, ale zajaŭlaje, što zrobić. Abama maje vialiki patencyjał, vialikija mahčymaści,

ale stać łaŭreatam za płany niešta zrabić?».

Poł Rejnalds z BBC taksama nie chavaje ździŭleńnia: «Prezident Abama zajmaje svaju pasadu tolki vosiem miesiacaŭ, a spadziajecca na vosiem hod. Jaho ambicyi zrabić śviet volnym ad jadziernaj zbroi zdolnyja ździŭlać. Zrazumieła, što takaja pazicyja prezidenta Abamy była dla Nobieleŭskaha kamitetu vyrašalnaj».

Rasbjski «Kommiersant» pryvodzić słovy kiraŭnika kamiteta pa mižnarodnych spravach Savieta Fiederacyi Michaiła Marhiełava: «Da jakoj stupieni razdražnieńnia mahła davieści śviet administracyja Džordža Buša małodšaha, što navat pieršyja razumnyja kroki amierykanskaha prezidenta vyklikali takuju radaść suśvietnaj supolnaści. Jakaja vyliłasia ŭ prysvajeńnie Baraku Abamu Nobieleŭskaj premii miru. Dla jaho heta avans, jaki prydziecca adpracoŭvać uvieś prezidencki termin».

Akramia amierykanskaha prezidenta, na premiju miru ŭ hetym hodzie pretendavali premjer‑ministr Zimbabve Morhan Cvanhirai, aŭhanskaja aktyvistka ruchu za pravy žančyn Sima Samar i kitajski dysident Chu Czia, što ŭtrymlivajecca ŭ turmie za krytyku centralnych uład.

Nobieleŭskaja premija — nie pieršaja, jakuju atrymaŭ Barak Abama za apošnija hady.

Jon źjaŭlajecca aŭtaram knih «Mary majho baćki» i «Advaha nadziei». Za audyjoviersiju hetych knih u 2006 i 2008 hadach jon atrymaŭ premiju «Hremi». U krasaviku 2009 hoda Barak Abama byŭ uznaharodžany litaraturnaj premijaj British Book Awards u naminacyi «Najlepšaja bijahrafija hoda» za «Mary majho baćki».

• 0
• 0
• 0
• 0
• 0
• 0
• 0
• 0