Упершыню прэмію далі не за справу, а за словы. Сусветныя СМІ каментуюць уручэнне Нобелеўскай прэміі міру Абаму.
Упершыню прэмію далі не за справу, а за словы. Сусветныя СМІ каментуюць уручэнне Нобелеўскай прэміі міру Абаму.
Барак Абама стаў лаўрэатам Нобелеўскай прэміі міру.
Ён не першы прэзідэнт, які атрымлівае прэмію менавіта ў гэтай галіне. Кіраўнік Нобелеўскага камітэту Торб’ёрн Ягланд патлумачыў рашэнне тым, што «Усё, чым заняўся Абама як прэзідэнт, а таксама тое, як моцна змяніўся з‑за яго міжнародны клімат, з’яўляецца ўжо больш чым дастатковай прычынай стаць лаўрэатам прэміі».
Аднак такое рашэнне камітэту стала прычынай шырокага розгаласу ў свеце.
Аглядальнік польскай «Газеты Выборчай» Барташ Венглярчык пракаментаваў гэтую падзею,
назваўшы яе дэградацыяй.
«Хіба першы раз у гісторыі Нобелеўскай прэміі міру лаўрэатам стаў нехта за тое, чаго яшчэ не зрабіў, але заяўляе, што зробіць. Абама мае вялікі патэнцыял, вялікія магчымасці,
але стаць лаўрэатам за планы нешта зрабіць?».
Пол Рэйнальдс з BBC таксама не хавае здзіўлення: «Прэзідэнт Абама займае сваю пасаду толькі восем месяцаў, а спадзяецца на восем год. Яго амбіцыі зрабіць свет вольным ад ядзернай зброі здольныя здзіўляць. Зразумела, што такая пазіцыя прэзідэнта Абамы была для Нобелеўскага камітэту вырашальнай».
Расbйскі «Коммерсант» прыводзіць словы кіраўніка камітэта па міжнародных справах Савета Федэрацыі Міхаіла Маргелава: «Да якой ступені раздражнення магла давесці свет адміністрацыя Джорджа Буша малодшага, што нават першыя разумныя крокі амерыканскага прэзідэнта выклікалі такую радасць сусветнай супольнасці. Якая вылілася ў прысваенне Бараку Абаму Нобелеўскай прэміі міру. Для яго гэта аванс, які прыдзецца адпрацоўваць увесь прэзідэнцкі тэрмін».
Акрамя амерыканскага прэзідэнта, на прэмію міру ў гэтым годзе прэтэндавалі прэм’ер‑міністр Зімбабвэ Морган Цвангіраі, аўганская актывістка руху за правы жанчын Сіма Самар і кітайскі дысідэнт Ху Цзя, што ўтрымліваецца ў турме за крытыку цэнтральных улад.
Нобелеўская прэмія — не першая, якую атрымаў Барак Абама за апошнія гады.
Ён з’яўляецца аўтарам кніг «Мары майго бацькі» і «Адвага надзеі». За аудыёверсію гэтых кніг у 2006 і 2008 гадах ён атрымаў прэмію «Грэмі». У красавіку 2009 года Барак Абама быў узнагароджаны літаратурнай прэміяй British Book Awards у намінацыі «Найлепшая біяграфія года» за «Мары майго бацькі».
Каментары