U Pastavach masavyja zatrymańni i vobšuki. Achviarami siłavikoŭ stali bolš za 10 čałaviek
Vobšuki adbylisia prynamsi ŭ 11 čałaviek. Traich zatrymali, a adnaho ź ich siłaviki źvieźli ŭ Minsk. Nahodaj dla masavaha pieraśledu žycharoŭ Pastavaŭ miascovyja nazyvajuć pratesty 2020 hoda i krytyka kiraŭnika rajona.
Pra pieratrusy i zatrymańni stała viadoma poźnim viečaram 24 listapada, ale siłaviki pačali ŭryvacca da ludziej u čaćvier ad samaha ranku.
Viadomyja imiony traich zatrymanych — heta Jury Dzikovič, Uładzimir Łaščotka i Siarhiej Laŭko, jakoha hubazikaŭcy zabrali ŭ Minsk.
Jury Dzikovič padčas pratestaŭ 2020 hodu byŭ siarod aktyvistaŭ, jakija namahalisia sustrecca z kiraŭnikom Pastaŭskaha rajvykankama. U pačatku 2021 hoda ŭ Dzikoviča byŭ pieratrus. Jaho vinavacili ŭ abrazie milicyjantaŭ. Jamu byŭ zabaronieny vyjezd ź Biełarusi, ale jamu ŭdałosia vyjechać u Jeŭropu, a niadaŭna jon viarnuŭsia.
Pavodle krynic «Našaj Nivy», pieratrusy adbylisia jašče ŭ vaśmi čałaviek. Adznačajecca, što ź ludźmi siłaviki abychodzilisia žorstka. Ci na voli jany, nieviadoma. Rodzičy ŭstrymlivajucca havaryć pra heta i prosiać nie nazyvać ich imiony.
«Vobšuki byli i ŭ tych, chto źjechaŭ ź Biełarusi, i ŭ tych, chto zastaŭsia. Dapuskaju, što damy pieratreśli ŭ bolšaj kolkaści ludziej. Rodzičy pra toje prosta nie paviedamlajuć, bo bajacca, što stanie jašče horš», — adznačaje surazmoŭca «Našaj Nivy».
Masavy chapun u Pastavach adbyŭsia nieŭzabavie paśla ŭznaharodžańnia staršyni rajona Siarhieja Čepika miedalom «Za pracoŭnyja zasłuhi». Hetak Łukašenka adznačyŭ čynoŭnika za «vykanańnie asnoŭnych pakazčykaŭ sacyjalna-ekanamičnaha raźvićcia rajona». Uhanaravańnie Čepika nasielnictvam rajona ŭspryniataje skieptyčna, i hetaha ludzi nie chavajuć. Pa słovach miascovych žycharoŭ, dasiahnieńni čynoŭnika sumnieŭnyja. U zakrytych čatach jaho krytykujuć i vyśmiejvajuć. Nie vyklučajecca, što takoje staŭleńnie da čynoŭnika mahło stać adnoj z pryčyn pieraśledu ludziej.
Spustašeńnie siała nabyvaje žachlivyja maštaby navat u rajonach, jakija ličacca zamožnymi
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary