Kiraŭnik rasijskich budystaŭ publična paprasiŭ Pucina dać buratam drovy
Pavodle relihijnaha lidara Chamba łamy Damby Ajušejeva, siemji mabilizavanych z Buracii nie mohuć atrymać abiacanyja im drovy, kab palić u piečy ŭ svaich viaskovych chatach. Miascovyja ŭłady nie varušacca i vyrašyć pytańnie moža tolki Pucin, skazaŭ Ajušejeŭ padčas zładžanaj pucinskaj administracyjaj videakanfierencyi.
U pačatku kastryčnika ŭłady rehijona paabiacali vydać siemjam mabilizavanych drovy: ad dziesiaci da dvaccaci kubamietraŭ na siamju. Ale, kab ich atrymać, pa słovach Ajušejeva, treba sabrać šmat dakumientaŭ i dakazać svaje pravy na dapamohu. «Pry hetym u Sibiry ŭžo nastupili marazy», — padkreśliŭ jon.
Ajušejeŭ paprasiŭ Pucina stvaryć śpiecyjalny orhan pa kantroli za vydačaj droŭ.
Varta adznačyć, što adzin z klučavych siužetaŭ rasijskaj prapahandy na siońniašni dzień — što Jeŭropa nie zdoleje zimoj siabie sahreć biez rasijskaha hazu.
Kamientary