Čynoŭniki śćviardžajuć, što minčuki płaciać za aciapleńnie tolki 20%
Žychary Minska pakryvajuć tolki 20% vydatkaŭ na aciapleńnie, a astatniaja suma kampiensujecca ź biudžetu, paviedamiła načalnica hałoŭnaha finansavaha ŭpraŭleńnia Minharvykankama Taćciana Astrejka, pieradaje ahienctva «Minsk-naviny».
Čynoŭnica taksama raskazała, kolki vydatkaŭ kampiensujuć žychary stalicy za prajezd u haradskim hramadskim transparcie.
«Ciepłazabieśpiačeńnie — važnaja pasłuha, ale siońnia hramadzianie apłačvajuć jaje tolki na 20%. Astatniuju nahruzku biare na siabie biudžet, a heta kala 36 młn rubloŭ», — paviedamiła Taćciana Astrejka.
Taksama čynoŭnica zajaviła, što minčuki nie całkam pakryvajuć vydatki na haradski transpart. Pavodle jaje słoŭ, u mietro dola apłaty hramadzianami 50%, a ŭ naziemnym transparcie jašče mienšaja.
Raniej u Ministerstvie antymanapolnaha rehulavańnia i handlu paviedamlali, što ŭ 2018 hodzie ŭzrovień kampiensacyi biełarusami vydatkaŭ na pieravozki pasažyraŭ haradskim aŭtamabilnym transpartam pa abłaściach składaŭ 82,1%, a pa Minsku — 62,3%.
Pry hetym u Minsku ŭzrovień kampiensacyi vydatkaŭ na pieravozki naziemnym haradskim hramadskim transpartam (biez uliku haradskich elektryčak BČ) składaŭ tady nibyta 55,8%, a ŭ mietrapalitenie — 73,9%. Paśla hetaha ŭ stalicy nieadnarazova padvyšali košt prajezdu ŭ hramadskim transparcie, adnak pracent apłaty vydatkaŭ za spažytyja pasłuhi samim nasielnictvam, kali vieryć čynoŭnikam, za hety čas tolki źmienšyŭsia.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary