Kiraŭnik Minskaha staličnaha sajuza pradprymalnikaŭ i pracadaŭcaŭ Uładzimir Karahin ad imia biełaruskaj biźnies‑supolnaści źviarnuŭsia da kiraŭnika Administracyi prezidenta Uładzimira Makieja z zaklikam spynić namiery ŭrada padvysić u 2010 staŭku padatku na dadanuju vartaść (PDV) z 18% da 20%.
«…Zaklikajem Vas nie pavialičvać vieličyniu staŭki PDV u 2010 hodzie, źnizić ŭsie abarotnyja padatki, istotnym čynam spraścić sistemu padatkaabkładańnia subjektaŭ haspadarańnia», — havorycca ŭ liście Karahina.
«PDV … — heta faktyčna kantrybucyja na dziejnaść. Ale jon zručny z punktu hledžańnia fiskalnych apieracyj. Jaho lohka źbirać, spakojna i nadziejna, paźbiahajučy raspracoŭki sučasnych instrumientaŭ i pryjomaŭ stymulavańnia i padtrymki paskoranaj vytvorčaj dziejnaści. Znoŭ razhladajucca zručnaści dla kantrolu i pravierki, a nie dla tych, chto vyrablaje i zdolny realna zrabić dabaŭlenuju vartaść, pavialičyć rost VUP u Biełarusi «, — padkreślivajecca ŭ liście.
Na dumku biźnies‑supolnaści, va ŭmovach kryzisu z usimi jaho nastupstvami i adsutnaściu finansavaj padtrymki pradprymalnictva «ni ŭ jakim vypadku nie varta pavialičvać staŭki padatkaabkładańnia, asabliva PDV».
«Nielha navat vymaŭlać ŭsłych sumu mierkavanaha pavyšeńnia padatkaŭ», ‑‑ piša Karahin, nahadvajučy, što ŭ rejtynhu Doing Business 2010 pa prastacie vypłaty padatkaŭ Biełaruś zajmaje «haniebnaje 183 (apošniaje) miesca», što «stvaraje niehatyŭny vobraz finansavaj sistemy Biełarusi i admoŭna ŭpłyvaje na inviestycyjnuju pryvabnaść krainy «.
Karahin taksama źviartaje ŭvahu Makieja, što ŭ parušeńnie hienieralnaha Pahadnieńnia pamiž uradam, prafsajuzami i abjadnańniami najmalnikaŭ, hramadskija abjadnańni pradprymalnikaŭ i biźnies‑asacyjacyi da hetaha času nie atrymali prajekt biudžetu‑2010.
U ciapierašni čas prajekt biudžetu na 2010 hod, jaki praduhledžvaje pavyšeńnie staŭki PDV da 20%, znachodzicca na razhladzie administracyi, jakaja vykaža svaje mierkavańni pa hetamu dakumientu na zapłanavanym ŭ kancy kastryčnika naradzie ŭ A. Łukašenki.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary