Kiraŭnik MZS Ukrainy: Zachad nie pavinien bajacca raspadu Rasii, a Ukraina maje prava bić pa rasijskaj terytoryi
Ministr zamiežnych spraŭ Ukrainy Dźmitryj Kuleba zajaviŭ u intervju amierykanskaj haziecie Wall Street Journal, što krainy Zachadu nie pavinny bajacca raspadu Rasii — hetak ža, jak kaliści jany pierastali bajacca razvału Savieckaha Sajuza.
Aŭtary publikacyi adznačajuć, što zachodnija sajuźniki Ukrainy ŭsimi siłami sprabujuć nie dapuścić jaje parazy ŭ vajnie z Rasijaj, ale pakul nie ŭsim na Zachadzie padabajecca pierśpiektyva pierakanaŭčaj pieramohi Kijeva. Pry takim scenary Ukraina viarnuła b kantrol nie tolki nad terytoryjami, stračanymi padčas ciapierašniaha ŭvarvańnia, ale i nad Krymam, a taksama častkami Danieckaj i Łuhanskaj abłaściej, jakija byli adabrany ŭ 2014 hodzie.
«Niekatoryja z hetych sajuźnikaŭ aścierahajucca, što taki vynik moža pryvieści da poŭnaj destabilizacyi rasijskaj dziaržavy, patencyjna pryvieści da jaje raspadu i šyrokamaštabnych hramadzianskich chvalavańniaŭ ź niepradkazalnymi vynikami dla ŭsiaho śvietu», — piša Wall Street Journal.
Na heta Kuleba skazaŭ, što padobnyja aściarohi nahadvajuć jamu pazicyju prezidenta ZŠA Džordža Buša-starejšaha. U svajoj znakamitaj pramovie 1991 hoda, viadomaj jak «katleta pa-kijeŭsku» (Chicken Kiev speech), toj papiaredžvaŭ ab niebiaśpiecy «samazabojčaha nacyjanalizmu» i zaklikaŭ Ukrainu admovicca ad idei niezaležnaści ad Maskvy ŭ imia vyratavańnia Savieckaha Sajuza.
«Ja zaklikaju śviet nie bajacca raspadu Rasii. Kali koły historyi pačynajuć krucicca, ich nie zmoža spynić nivodny čałaviek. Zamiest taho, kab dumać pra toje, jak dapamahčy Rasii vyžyć i stać narmalnym členam mižnarodnaj supolnaści, para pryniać toj fakt, što Rasija nie moža być narmalnym členam mižnarodnaj supolnaści. Ja nie dumaju, što śviet razvalicca na častki, kali razvalicca Rasija. Ale Rasiju razvalać jaje ŭłasnyja hramadzianie, jak heta zdaryłasia z Rasijskaj impieryjaj», — skazaŭ Kuleba
Što jašče skazaŭ kiraŭnik MZS Ukrainy
Ab niadaŭnich udarach pa rasijskich stratehičnych aeradromach u Enhielsie i Razani. (Ukraina nie pryznaje adkaznaść za hetyja napady, i Kuleba admoviŭsia davać kamientary ŭ suviazi z kankretnymi incydentami; jaho słovy nosiać ahulny charaktar).
«My pierš za ŭsio skancentravany na źniščeńni celaŭ, raźmieščanych na akupavanych terytoryjach Ukrainy, na vyzvaleńni našaj ułasnaj terytoryi. Ale, zrazumieła, ideja, što Rasija moža rabić va Ukrainie ŭsio technična joj dastupnaje, a Ukraina takich ža pravoŭ nie maje, pamyłkovaja z kanceptualnaha, maralnaha i vajennaha punktaŭ hledžańnia».
Ab vyzvaleńni Kryma
«Krym ničym nie adroźnivajecca ad inšych častak Ukrainy. Ukraina viernie ŭsie svaje terytoryi, uklučajučy Krym. Niekatoryja — vajennymi srodkami, niekatoryja — dypłamatyčnymi. Pakul zanadta rana rabić niejkija prahnozy adnosna bałansu pamiž hetymi dvuma sposabami».
Ab pieramovach z Rasijaj
«[Rasija] rychtujecca da novych bitvaŭ, da novych nastupalnych apieracyj, a nie da pieramoŭ. Tak što ničoha nie havoryć na karyść hatoŭnaści Rasii da pačatku pieramoŭ».
«My nie budziem vieści pieramovy pa pytańni terytaryjalnaj cełasnaści Ukrainy. Za apošnija dzieviać miesiacaŭ my prajšli praz zanadta šmat pakut i vyvučyli ŭroki tak zvanaha «Minskaha pracesu», jakim nas katavali ciaham vaśmi hadoŭ, kab ciapier iści na niejkija sastupki ŭ dačynieńni da terytoryi i ludziej, jakija žyvuć na joj».
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary
Osmanskaja impierija raspałaś - ničieho strašnoho nie proizošło.
Avstro-Vienhierskaja impierija raspałaś - ničieho strašnoho nie proizošło.
Hiermanskaja impierija raspałaś - ničieho strašnoho nie proizošło.
Rośsijskaja impierija raspałaś - ničieho strašnoho nie proizošło.
Britanskaja impierija raspałaś - ničieho strašnoho nie proizošło , voźnikli mnohije uśpiešnyje
hosudarstva:Kanada, Avstralija , SŠA , Indija , Pakistan i dr.
Jeśli to žie proizojdiot i s Rośsijej , v tom vidie , vo čto jeje prievratił Putin i jeho podielniki , to mir nie ruchniet , a hłavnym vyhodopriobrietatielem budiet sam žie russkij narod , ibo Rośsija v tom vidie kakaja ona jesť siehodnia - eto tiuŕma narodov , hdie russkich ispolzujut dla podavlenija druhich za sčiot sozdanija i poddieržanija oŝuŝienija psievdo-vieličija na fonie totalnoj otstałosti vo vsiech obłastiach žiźni.Raźvitije istorii nie ostanoviť.