Ciapier jaho zavuć Viadźmak Brajtan-Bruklinski. Jon nie zdradziŭ sabie: u admietnaj łysahorskaj maniery, nazyvajučy imiony, reža ŭsiu praŭdu-mamku ciapier užo pra novuju chvalu biełaruskuju emihracyju ŭ ZŠA. A jašče jon drukujecca ŭ almanachu-hadaviku «Biełarus».
U Ńju-Jorku vyjšaŭ čarhovy almanach biełaruskaj litaratury zamiežža. Tut akramia vieršavanaj (nie)bylicy Viedźmaka, źmieščanyja vieršy, apaviadańni, miemuary, pierakłady tych biełaruskich litarataraŭ, jakija volaj losu apynulisia pa-za miežami Baćkaŭščyny.
Jak i ŭsiakaje emihrant-vydańnie «Biełarus» nieadnaznačny pavodle jakaści (jaskravyja tvory čarhujucca ź blakłaj hrafamanščynaj), ale nielha nie pryznać, hałoŭny redaktar Marat Kłakocki robić usio, kab estetyčnyja pošuki dyjaspary, jak maha dalej adbiehlisia ad mietrapolii, ad čaho biełaruskaje pryŭkrasnaje piśmienstva maje adno zajhrać novymi kolerami.
Hieahrafija almanachu šyrokaja: tut i vieršy čecha (peŭna ŭ dvuchkośsi) Maksa Ščura, amierykanca Sieržuka Sokałava-Vojuša, i karacieńkija apoviedy palaka Vitala Voranava, a taksama pierakłady anhłamoŭnaj litaratury aŭstralijca Viktara Kavaleŭskaha.
Biełarus 2009. Litaraturny almanach biełaruskich piśmieńnikaŭ zamiežža. Ńju-Jork: Vydaviectva haziety «Biełarus», 2009, 280 st.
