Pucin jedzie cisnuć na Łukašenku i nahaniać strach rasijskaha nastupu na Ukrainu ź Biełarusi — ISW
Prezident Rasii Uładzimir Pucin, vierahodna, budzie akazvać cisk na Alaksandra Łukašenku, kab jon pajšoŭ na ŭstupki ŭ rasijska-biełaruskaj intehracyi na majučaj adbycca sustrečy ŭ Minsku 19 śniežnia — heta pieršaja sustreča Pucina z Łukašenkam u Minsku z 2019 hoda. Tak miarkujuć analityki Instytuta vyvučeńnia vajny (ISW).
U čarhovaj spravazdačy ISW paviedamlajecca, što Łukašenka i Pucin abmiarkujuć pytańni rasijska-biełaruskaj intehracyi, vajenna-palityčnyja pytańni i realizacyju prahram Sajuznaj dziaržavy. Kreml imkniecca vykarystoŭvać Sajuznuju dziaržavu dla ŭstalavańnia rasijskaha siuzierenitetu (kantrolu) nad Biełaruśsiu.
Łukašenka ŭžo stvaraje infarmacyjnyja ŭmovy, kab adchilić rasijskija intehracyjnyja patrabavańni, jak jon heta rabiŭ dziesiacihodździami. Łukašenka padkreśliŭ, što «nichto, akramia nas, Biełaruśsiu nie kiruje», i što Biełaruś hatova budavać adnosiny z Rasijaj, ale ich adnosiny «zaŭsiody pavinny zychodzić z taho, što my — suvierennaja i niezaležnaja dziaržava». Łukašenka dahetul u značnaj stupieni supraciŭlaŭsia intehracyjnym patrabavańniam Rasii i admaŭlaŭsia dałučyć biełaruskija siły da ŭvarvańnia Rasii va Ukrainu.
Zaraz ISW aceńvaje rasijskaje ŭvarvańnie va Ukrainu ź Biełarusi jak nizkaje, ale mahčymaje. Toje, što biełaruskija vojski ŭvarvucca va Ukrainu biez rasijskaj udarnaj siły, małavierahodna.
Adnak sustreča Pucina i Łukašenki — jak minimum — paspryjaje rasijskaj infarmacyjnaj apieracyi, jakaja imkniecca złamać volu Ukrainy i hatoŭnaść Zachadu padtrymlivać Ukrainu.
Kreml naŭrad ci złomić ukrainskuju volu da baraćby, pišuć analityki. Kreml, vierahodna, imkniecca pierakanać Zachad pryniać iłžyvy fakt, što Ukraina nie moža istotna źmianić ciapierašnija linii frontu i što vajna faktyčna zajšła ŭ tupik. ISW ličyć, što takaja vysnova niapravilnaja i što Ukraina maje dobryja šancy viarnuć značnuju terytoryju ŭ bližejšyja miesiacy.
-
Prarasijskaha aktyvista, paplečnika Mirsalimavaj asudzili na 10 sutak za «ekstremizm»
-
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju
-
Polskaja palicyja nie zmahła pakul vyznačyć, dzie znachodzicca śpikierka KR Anžalika Mielnikava
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary
asabista ja nie šukaju niejkich supadzieńniaŭ u datach, ale... viedaju, što niechta zachaplajecca šamanstvam...
19 śniežnia 2010... nichto nie pamiataje, što było? nie?
i toje, što ŭpieršyniu pryjazžaje (a jon ža ŭžo amal nie vyłazić z bunkiera) z 19 (vizit u 19 - napiaredadni 20) hoda - heta ŭsio jaŭna nie prosta tak...