Sańnikaŭ: Ušackas i Fracini padmianiajuć paniaćci
Lider kampanii «Jeŭrapiejskaja Biełaruś» Andrej Sańnikaŭ krytykuje jeŭrapiejskija krainy za miakkaść u adnosinach z Alaksandram Łukašenkam.
Artykuł dvuch ministraŭ niby napisany letaś u žniŭni. Mienavita tady jeŭrapiejcy mieli nadziei, što ŭ Biełarusi mahčymyja niejkija źmieny pry režymie Łukašenki. Adnak za minuły hod hety režym dakazaŭ advarotnaje,raźviazaŭšy novyja represii suprać apazicyi i hramadzianskaj supolnaści z užyvańniem katavańniaŭ, fizičnaha hvałtu i brudnaha paklopu. Adnych palitviaźniaŭ źmianili na inšych. Možna całkam pahadzicca z tezisam artykuła pra toje, što Biełaruś maje patrebu ŭ Jeŭropie. Ale mienavita Biełaruś, biełaruski narod, a nie praviačy ŭ krainie režym. Pieryjad paciapleńnia adnosinaŭ Jeŭropy da biełaruskich uładaŭ krasamoŭna prademanstravaŭ, chto staić na šlachu Biełarusi ŭ Jeŭropu, i chto zaminaje raźvićciu narmalovych adnosinaŭ Jeŭropy ź Biełaruśsiu
Z artykuła vynikaje, što niekatoryja jeŭrapiejskija palityki ŭsio jašče spadziajucca pieravychavać Łukašenku.Heta vyhladaje davoli dziŭna, kali ŭličyć reakcyju ludziej u krainach Bałtyi na manieŭry z udziełam biesprecedentnaj kolkaści rasiejskich vojskaŭ i techniki, što adbylisia niadaŭna na terytoryi Biełarusi. Adnoj z met hetych vučeńniaŭ była adpracoŭka praryvu da «błakadnaha Kalininhrada» praz terytoryju Litvy. Nie bačyć pahrozu, jakaja sychodzić ad takich vajennych padrychtovak, značyć nie nadavać surjoznaha značeńnia jeŭrapiejskaj i mižnarodnaj biaśpiecy.
Tolki demakratyčnaja apazicyja i hramadzianskaja supolnaść źjaŭlajucca harantam narmalovaha raźvićcia Biełarusi,adnaŭleńnia poŭnamaštabnych adnosinaŭ ź Jeŭropaj, umacavańnia biaśpieki ŭ rehijonie. Svabodnyja vybary ŭ Biełarusi nie adbuducca, kali Jeŭropa budzie zapluščvać vočy na svaje bazavyja kaštoŭnaści: pravy i svabody čałavieka. Svabodnyja vybary nie adbuducca, kali budzie praciahvacca padtrymka režyma Łukašenki na karyść nadumanym hieapalityčnym intaresam.
Nielha padmianiać pytańnie pra demakratyju ŭ Biełarusi pytańniem pra pryznańnie Abchazii i Paŭdniovaj Asiecii.Takaja padmiena paniaćciaŭ dazvalaje Łukašenku dastatkova efiektyŭna handlavacca ŭ dvuch napramkach – va ŭschodnim i zachodnim.
Ja razumieju sprobu dvuch ministraŭ jašče raz patłumačyć biełaruskamu režymu mahčymaści dla supracoŭnictva ź Jeŭropaj, jakija adkryvajucca. Ale čas užo pahladzieć na vyniki novaj palityki Jeŭropy ŭ dačynieńni Biełarusi i ćviaroza ich acanić.
-
U čym roźnica pamiž Trampam u Iranie i Pucinym va Ukrainie
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Ciapier čytajuć
Mabilnym apierataram zabaranili zahaniać biełarusaŭ u vialiki minus4
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary