Vyniki pieršych matčaŭ biełaruskich klubaŭ u Kubku UEFA nadavali aptymizmu. BATE (Barysaŭ) doma pieramahło małdaŭskuju «Nistru» – 2:0. Mienskaje ž «Dynama» u haściach u polskim Lublinie razyhrała vynikovuju ničyju 1:1 ź miascovym «Zahłembie». Heta pakidała mienčukam dobryja šancy, treba było tolki nie prapuścić u svaje bramy doma. I «Dynama» hetuju zadaču vyrašyła, razyšoŭšysia nulavoj ničyjoj z palakami.
BATE ŭ svaju čarhu pieramahło «Nistru» i ŭ Kišynevie – usio vyrašyŭ adziny hoł, jaki na 30-j chvilinie zabiŭ Hienadź Bliźniuk.
28 lipienia ŭ švajcarskim Ńjonie adbyłosia losavańnie druhoha raŭndu Kubku UEFA. U supierniki «Dynama» trapiła słavackaja «Artmedyja», jakaja letaś hulała ŭ hrupavym turniry Lihi čempijonaŭ. A BATE pazmahajecca z kazanskim «Rubinam», choć amatary čakali vizytu francuskaha «Marselu». Vo było b vidovišča!