Pachavańnie žurnalista «Radyjo Racyja» Alhierda Nieviaroŭskaha projdzie 20 kastryčnika na mohiłkach u Kałodziščach. Pra heta paviedamiŭ jaho kaleha Barys Harecki.
Pavodle jaho słoŭ, raźvitalnaja pracesija adpravicca ŭ 12 hadzin ad doma ŭ Minsku, dzie žyŭ žurnalist (vulica Kalinoŭskaha, dom 40, kvatera 16).
Nieviaroŭski pamior u Biełastoku na 41‑m hodzie žyćcia. 18 vieraśnia jon byŭ špitalizavany ź infarktam i z taho času znachodziŭsia ŭ komie. 1 kastryčnika była zafiksavana śmierć ad spynieńnia sardečnaj dziejnaści.
***
Alhierd Nieviaroŭski naradziŭsia 19 žniŭnia 1969 hoda ŭ Minsku. U 1995 hodzie skončyŭ histaryčnaje adździaleńnie katalickaha univiersiteta imia kardynała Stefana Vyšynskaha ŭ Varšavie sa zvańniem mahistra. Paśla hetaha dva hady pracavaŭ u haziecie «Naša niva», zatym — u haziecie «Svaboda», supracoŭničaŭ z rasijskim «Kamiersantam». Da 2005 hoda, na praciahu siami hadoŭ, byŭ karespandentam polskaj redakcyi radyjo VVS, z 1996 pa 2007 hady — «Radyjo Svaboda» ŭ Minsku. Z 2007 hoda žyŭ u Biełastoku i pracavaŭ karespandentam «Radyjo Racyja».
Alhierd Nieviaroŭski — syn vieterana biełaruskaha futboła Hienadzia Nieviaroŭskaha. U žurnalista zastalisia dvoje dziaciej: 14‑hadovaja dačka Ivona i 13‑hadovy syn Česłaŭ.
Cieła Nieviaroŭskaha kremiravali 7 kastryčnika ŭ Varšavie.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary