Dziaŭčyna z Dniapra, čyjo fota na ruinach doma ablacieła śviet, raskazała, jak ucaleła
Dziaŭčynu z Dniapra, jakaja acaleła paśla traplańnia rakiety ŭ šmatpaviarchovik, zavuć Nastaśsia. U vieraśni jana straciła svajho kachanaha — jon zahinuŭ na vajnie.
Nastaśsi 23 hady. Jana apisała, što zdaryłasia.
«Mianie nakryła dźviaryma ŭ łožku, častki kuchni ŭ pakoi, vannym pakoi, kalidora i kładoŭki niama, tam prorva, i ja baču inšyja častki padjezda, čužoha padjezda. Ja amal cełaja, niahledziačy na ranu na hałavie i abadranyja nohi.
Ja nie viedaju, dzie baćki. Kažuć, jašče bačyli žyvymi, ja ŭpeŭnienaja, što jany byli na kuchni, jakoj užo niama. Ratavacca ja nie chacieła, chacieła jašče znajści baćkoŭ.
Uspaminaju durnyja žarty baćki siońnia, jak z mamaj siońnia fotkali ščaniukoŭ. Jeli mamin udon.
Ja stała papularnaj, choć i nie chacieła hetaha, amal kožny pablik mianie publikuje. A ja chaču da baćkoŭ. Mnie baluča. Ci ja isnuju naohuł?», — napisała dziaŭčyna ŭ instahramie 14 studzienia.
Nahadajem, 14 studzienia Rasija ŭdaryła rakietami pa Dniapry, adna ź ich prylacieła ŭ šmatpaviarchovik. Pa danych na ranicu, zahinuŭ 21 čałaviek, 73 paranienyja. Ratavalniki praciahvajuć raźbirać zavały.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi4
Kamientary