vykazvańniami pasła Vienhryi F.Kontry ab situacyi ŭ krainie i asobnych aśpiektach dvuchbakovych adnosin.
vykazvańniami pasła Vienhryi ŭ Biełarusi Fierenca Kontry ab situacyi ŭ krainie i asobnych aśpiektach dvuchbakovych adnosin i ŭsprymaje ich «jak ułasnaje mierkavańnie» dypłamata.
«Mnohija z hetych vykazvańniaŭ nosiać tendencyjny charaktar i jaŭna razychodziacca z pazityŭnym i siabroŭskim kantekstam biełaruska‑vienhierskaha supracoŭnictva», — havorycca ŭ adkazie pres‑sakratara MZS Andreja Papova na pytańnie pradstaŭnikoŭ ŚMI ŭ suviazi z vykazvańniami vienhierskaha pasła na pres‑kanfierencyi 20 kastryčnika ŭ Minsku.
«Ščyra pierakanany, što vienhierski bok pa‑raniejšamu zacikaŭleny ŭ raźvićci ŭsiaho śpiektru supracy ź Biełaruśsiu na asnovie ŭzajemnaj pavahi i cikavaści», — havorycca ŭ zajavie dla presy.
Pradstaŭnik zamiežnapalityčnaha viedamstva pavinšavaŭ vienhierski narod z Nacyjanalnym śviatam Vienhryi, što adznačajecca 23 kastryčnika. «Biełaruś razhladaje Vienhryju jak važnaha i pierśpiektyŭnaha partniora ŭ ES. U apošnija hady nami stvorany efiektyŭnyja miechanizmy raźvićcia dvuchbakovaha ŭzajemadziejańnia», — skazaŭ Papoŭ.
Jak paviedamlaŭ BiełaPAN, 20 kastryčnika
pasoł Vienhryi ŭ Biełarusi Fierenc Kontra, u pryvatnaści, zajaviŭ, što poŭnaja admiena vizavych sankcyj Jeŭrasajuza ŭ dačynieńni da biełaruskich čynoŭnikaŭ mahčymaja, kali zachady Biełarusi nasustrač stanuć pierakanaŭčymi. «Na žal, u nas skłałasia ŭražańnie, što słovy i dziejańni biełaruskich uładaŭ nie zaŭsiody adpaviadajuć adzin adnamu», — zajaviŭ vienhierski pasoł.Tak, pavodle jaho słoŭ, z adnaho boku, pradstaŭniki biełaruskich uładaŭ na samicie Uschodniaha partniorstva havaryli pra nieabchodnaść demakratyzacyi. «Ale inšym razam my hladzim telebačańnie, dzie pakazvajuć, što na Kastryčnickaj płoščy źbivajuć mirnych demanstrantaŭ. Tam ža žurnalistam pieraškadžajuć vykonvać ich prafiesijnyja abaviazki», — skazaŭ Kontra. Paśla hetaha, adznačyŭ pasoł, uźnikaje pytańnie, što brać za praŭdu — słovy abo pakazanaje pa telebačańni.
Vienhierski dypłamat taksama skazaŭ, što Biełaruś vystaŭlaje inviestaram vysokija patrabavańni. «Našy inviestary pryvykli pracavać pavodle jeŭrapiejskich standartaŭ. Naprykład, jany budujuć i płaciać padatki. Ale kab dadatkova treba było budavać dziciačyja sadki, balnicy, jany hetaha nie razumiejuć. Heta pieraškadžaje ekanamičnamu supracoŭnictvu», — skazaŭ pasoł.
Kontra taksama adznačyŭ, što ŭ Vienhryi nie znajšłosia inviestaraŭ, hatovych budavać spartyŭnyja centry. «Zajzdrošču, što ŭ vas jany budujucca. My hetaha sabie nie možam dazvolić. Moža być, u Biełarusi jość hrošy, i jany iduć na spartyŭnyja kompleksy, a nie na raźvićcio vytvorčaści», — skazaŭ pasoł.Pry hetym jon padkreśliŭ, što nie ŭmiešvajecca «va ŭnutranyja spravy krainy». «Prosta tak nam zdajecca zboku», — rastłumačyŭ vienhierski dypłamat.
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach1
Kamientary