Palicyja Narviehii nie budzie departavać u Rasiju byłoha vahnieraŭca Miadźviedzieva
Palicyja Narviehii nie razhladaje mahčymaść departacyi ŭ Rasiju byłoha kamandzira adnaho z padraździaleńniaŭ PVK «Vahnier» Andreja Miadźviedzieva, jaki byŭ zatrymany pry pierasiačeńni rasijska-narviežskaj miažy.
Heta paćvierdziŭ jaho advakat, pa słovach jakoha, Miadźviedzieŭ utrymlivajecca pad vartaj u intaresach jaho ž biaśpieki i hatovy dać pakazańni suprać Pryhožyna i jaho najmitaŭ, piša Bi-bi-si.
Rasijskaja pravaabarončaja hrupa Gulagu.net u paniadziełak apublikavała telefonnaje intervju z Andrejem Miadźviedzievym, jaki 12 studzienia byŭ zatrymany pry pierachodzie narviežskaj miažy i paprasiŭ palityčnaha prytułku.
Miadźviedzieŭ raspavioŭ, što ŭ niadzielu ŭ hatel, dzie jon žyŭ paśla zatrymańnia, pryjšła palicyja, zakavała jaho ŭ kajdanki i adviezła ŭ centr časovaha ŭtrymańnia. Pry hetym jon vykazaŭ aściarohi, što jaho mohuć departavać u Rasiju, i zaklikaŭ ułady Narviehii nie vydavać jaho i dazvolić dać pakazańni pra dziejnaść PVK, bajcy jakoj ździajśniajuć vajennyja złačynstvy va Ukrainie, i jaje kiraŭnika Jaŭhiena Pryhožyna.
Pradstaŭnik narviežskaj palicyi z hetaj nahody zajaviŭ, što zajavy pra nibyta najaŭnyja płany pa departacyi Miadźviedzieva nie adpaviadajuć rečaisnaści, adnak nie staŭ udavacca ŭ dalejšyja padrabiaznaści.
U paniadziełak Narviežski advakat Miadźviedzieva Brunjulf Ryśnies z upeŭnienaściu zajaviŭ, što ryzyka jaho departacyi roŭnaja nulu, a što tyčycca vizitu palicyi i pieravodu jaho padabaronnaha ŭ centr časovaha ŭtrymańnia, to heta źviazana z roznahałośsiami z nahody mier, nieabchodnych dla biaśpieki samoha Miadźviedzieva.
Hety krok byŭ zrobleny paśla taho, jak palicyja pryjšła da vysnovy, što jaho stanovišča vielmi niebiaśpiečnaje, skazaŭ Ryśnies Bi-bi-si. «Heta toje, čaho ŭsie chacieli paźbiehnuć, ale my šukajem pastanovy», — zapeŭniŭ advakat.
Ciapier čytajuć
Słova «Unavatuna» značyć «raj». Dzie na Šry-Łancy adpačyvała Mielnikava20
Kamientary
A za svaje vajskavyja złačynstvy hatovy adkazvać? Za toje što byŭ najmancam u nacystaŭ? A to tak cikava - pastralaŭ budučy najmancam ludziej i ŭžo raptoŭna "chorošij ruskij" kali na druhich złačyncaŭ danosy piša. Cikavy schiematoz dla orkaŭ atrymlivajecca.