Ministr kultury nazvaŭ siarednija zarobki ŭ svajoj śfiery. Ličba ŭražvaje
U efiry telekanała STB Anatol Markievič chvaliŭsia tym, jak biełaruskaja kultura zmahajecca z zachodnimi sankcyjami i jak u «Kupałaŭski» nibyta chodzić narod paśla sychodu amal usiaho kalektyvu. Ale kali havorka zajšła pra zarobki, to tut užo chvalicca nie było čym.
Jak skazaŭ ministr Markievič, pa vynikach 2022 hoda siaredniaja zarabotnaja płata ŭ śfiery kultury skłała 967 rubloŭ, u 2023 hodzie płanujecca vyjści na siaredniuju zarpłatu pamieram 1100 rubloŭ.
Da 2025 hoda, pa zapeŭnivańniach čynoŭnika, rabotniki kultury buduć zarablać nie mienš za 80% siaredniaj zarabotnaj płaty pa krainie.
Siaredniaja naličanaja zarabotnaja płata ŭ Biełarusi ŭ śniežni 2022 hoda składała 1915,6 rubla, a ŭ listapadzie — 1648,2 rubla. Tradycyjna ŭ kancy hoda vypłačvajucca premii i bonusy, što adbivajecca na roście siaredniaj zarpłaty.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary