«Ja nikoli nie prasiŭ ad adstaŭcy», - skazaŭ eks-trenier chakiejnaha «Dynama» u tok-šou «Vybar».
Hlen Chenłan nie moža zrazumieć matyvy svajoj adstaŭki z pasady hałoŭnaha treniera chakiejnaha kłuba «Dynama» (Minsk).
«Nichto, napeŭna, nie zhadzicca, kali jaho zvalniajuć, — adznačyŭ kanadski śpiecyjalist u tok‑šou «Vybar» telekanała ONT 26 kastryčnika. — Tak, ja nie mahu zrazumieć, tamu što kamanda sapraŭdy vystupała dobra, usie spravy składvalisia ŭdała. Napeŭna, dla kiraŭnictva było važna, kab kamanda znachodziłasia na bolš vysokim miescy ŭ hety adrezak času, tamu my byli zvolnieny». Chenłan abvierh infarmacyju, što jon prasiŭ ab adstaŭcy paśla sieryi z čatyroch paražeńniaŭ u pieryjad z 26 vieraśnia pa 2 kastryčnika.
«Nie, ja nikoli nie prasiŭ ab adstaŭcy. Paśla taho jak my pryjechali z turne pa Rasii, kali my prajhrali Čechavu (heta była nie samaja lepšaja dla nas hulnia), usio roŭna ja nie prasiŭ ab adstaŭcy.
Tak, my prajhrali, ale praciahvali pracavać. Arhanizavać i pabudavać kamandu, adzin kalektyŭ — dla hetaha siem‑vosiem hulniaŭ niedastatkova. Heta vielmi doŭhi ŭ arhanizacyjnym i emacyjanalnym płanie praces», — padkreśliŭ Chenłan.
«U pieršuju čarhu ja chaču skazać, što nie čytaju haziet i nie viedaju, chto ab hetym pisaŭ, ale ja i maje pamočniki nie chacieli zdavacca, nie chacieli sychodzić sami», — dadaŭ jon.
Pavodle słoŭ kanadca, u pačatku siezona
pierad «Dynama» była pastaŭlena zadača ŭvajści ŭ dziesiatku lepšych kamand KCHŁ i prajści pieršuju stadyju plej‑of.
«Nam heta sapraŭdy było pad siłu. Bolš za toje, my hulali tyja hulni, jakija padabalisia balelščykam, asabliva ŭ pačatku siezona, i ŭsio išło da taho, kab vykanać hetyja zadačy», — ličyć Chenłan.
Trenier adznačyŭ, što ciapier usie jaho siły buduć nakiravanyja na nacyjanalnuju zbornuju. «Emocyi zastanucca tymi ž. Kaniešnie ž, ja budu sumavać pa tych chakieistach, jakija vystupajuć u «Dynama» nie pad maim kiraŭnictvam. Ale kali my ŭsie źbirajemsia ŭ nacyjanalnaj zbornaj, u nas adna zadača, adny emocyi i adna psichałohija — heta vyjhravać, prynosić radaść balelščykam. Tak było dahetul, tak i zastaniecca ciapier», — zapeŭniŭ Chenłan.
Kanadziec i jaho pamočniki byli zvolnieny 20 kastryčnika paśla damašniaha paražeńnia ad chabaraŭskaha «Amura». Jak zajaviŭ u toj dzień staršynia Fiederacyi chakieja Biełarusi Uładzimir Navumaŭ, «Dynama» nie chapiła charaktaru, jaki trenierskamu štabu na čale z Chenłanam nie ŭdasca vychavać.
Navumaŭ taksama adznačyŭ, što «čatyry hulni tamu» Chenłan paprasiŭ ab adstaŭcy,ale pakolki jon «vielmi dobry trenier, jamu było prapanavana zastacca».
Ciapier čytajuć
Minskija ŭłady raskazali, jak buduć zmahacca z «akijanam aŭtamabilaŭ» u dvarach5
Kamientary