«Usie vyratavalisia, akramia ich». U Turcyi zahinuła biełaruska razam z mužam i dvuma dziećmi
Padčas ziemlatrusu ŭ Turcyi zahinuła biełaruska razam z mužam i dziećmi — 11-hadovym synam i 4-hadovaj dačkoj. U domie, dzie žyła hetaja siamja, vyratavalisia ŭsie, akramia ich, piša «Biełsat».
U horadzie Kachramanmaraš la Hazijantepa — epicentru ziemlatrusu — zahinuła biełaruska razam z mužam i dziećmi. Pra heta «Biełsatu» raspaviała jaje znajomaja, taksama hramadzianka Biełarusi, jakaja stała žyvie ŭ Turcyi:
«U svoj čas moj i jaje muž razam vučylisia u Minsku. Paśla my ŭžo tut, u Turcyi, siabravali siemjami. Dva dni nie dachodzili paviedamleńni, abodva telefony byli vyklučanyja. My spadziavalisia da apošniaha, što žyvyja, što prosta sieła batareja. Adzin ź siabroŭ jaje muža napisaŭ, što jany pad zavałam, ich šukajuć. A potym napisaŭ, što ŭžo ŭsio, ich niama. Paźniej heta paćvierdzili ich rodnyja. Skazali, što ŭsie vyratavalisia, akramia ich siamji».
U siamji vychoŭvali 11-hadovaha chłopčyka i 4-hadovuju dziaŭčynku.
Znajomyja ciapier šukajuć rodnych zahinułaj biełaruski. Dzie jaje pachavajuć, pakul nieviadoma.
«Ciapier tudy nikoha nie puskajuć, my miarkujem, što praz kolkaść zahinułych ich buduć chavać jak maha chutčej. Tamu navat nie viedaju, ci možna ŭ takim vypadku zabrać ich. Navat my nie možam tudy dajechać, bo harady zakrytyja», — kaža surazmoŭca «Biełsata».
Paźniej pasolstva Biełarusi ŭ Turcyi paviedamlaje, što pavodle ŭdakładnienaj infarmacyi ź miesca pošukavych rabot u Kachramanmarašy, zahinuli muž (hramadzianin Turcyi) i adno małaletniaje dzicia hramadzianki Biełarusi. Pošuki jaje samoj i druhoha dziciaci praciahvajucca.
Raniej paviedamlałasia pra los inšaj biełaruski i jaje siamji, Alaksandry Akpynar z pravincyi Chataj. Žančynu i jaje muža znajšli i špitalizavali. U balnicy mužčyna pamior. Infarmacyi pra ich maleńkaha syna pakul niama.
Na konsulskim uliku ŭ Turcyi — bolš za 400 biełarusaŭ. 53 asoby žyvuć u paŭdniova-ŭschodnich rehijonach, jakija paciarpieli ad ziemlatrusu. Rabotniki biełaruskaj dypmisii abtelefanoŭvajuć ludziej.
Pamior muž biełaruski, jaki paciarpieŭ padčas ziemlatrusu ŭ Turcyi
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary