Alaksandr Łukašenka pryniaŭ sa spravazdačaj staršyniu praŭleńnia Nacyjanalnaha banka Piatra Prakapoviča.
Kiraŭnik dziaržavy byŭ prainfarmavany pry vyniki vykanańnia Asnoŭnych napramkaŭ hrašova‑kredytnaj palityki ŭ studzieni‑vieraśni i ab płanach pa ich zabieśpiačeńni pa vynikach 2009 hoda.
Pakazčyki hrašova‑kredytnaj palityki za 9 miesiacaŭ hoda vykanany, zabiaśpiečana stabilnaja rabota bankaŭskaj sistemy. Stabilnaj była i situacyja z kursavoj palitykaj. Tak, za apošnija 4 miesiacy kurs biełaruskaha rubla da košyka zamiežnych valut zastavaŭsia praktyčna niaźmiennym. Vahańni koštu košyka byli ŭ miežach + 5 pracentaŭ u paraŭnańni z pačatkam hoda, što značna nižej za dapuščalny kalidor (+/‑ 10 pracentaŭ). Razam z tym peŭnyja vahańni koštu asobnych valut unutry karziny naziralisia.
Asablivaja ŭvaha bankaŭskaj sistemaj udziałałasia kredytavańniu realnaha siektara ekanomiki. Pavodle źviestak na 1 kastryčnika 2009 hoda ŭ paraŭnańni z anałahičnaj dataj 2008 hoda kredyty bankaŭ pavialičylisia ŭ 1,42 raza, što praktyčna adpaviadaje dakryzisnamu ŭzroŭniu rostu.
U płaciežnaj sistemie za 9 miesiacaŭ hetaha hoda praviedziena ŭ 1,72 raza bolš płaciažoŭ, čym za studzień‑vierasień 2008 hoda. Heta śviedčyć ab tym, što biełaruskaja płaciežnaja sistema i bankaŭskaja ŭ cełym pracuje ŭpeŭniena.
Łukašenka zapatrabavaŭ ad Nacyjanalnaha banka zabiaśpiečyć vykanańnie ŭsich pakazčykaŭ hrašova‑kredytnaj palityki da kanca hoda. Pry hetym asablivuju ŭvahu kiraŭnik dziaržavy źviarnuŭ na vyrašeńnie pytańniaŭ, źviazanych z pakazčykami sacyjalna‑ekanamičnaha raźvićcia Biełarusi na 2010 hod. Nastupny hod pavinien być hodam adnaŭleńnia chutkaha ekanamičnaha rostu. Zychodziačy z hetaha pavinna budavacca hrašova‑kredytnaja palityka ŭ krainie, adznačyŭ kiraŭnik dziaržavy.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča3
Kamientary