Snapkoŭ praviadzie z handlarami «žyvuju razmovu», kab uvabrać infarmacyju, jakoj urad nie bačyć
Pieršy vice-premjer Mikałaj Snapkoŭ u najbližejšy čas praviadzie vialikuju sustreču z udzielnikami rynku, kiraŭnictvam i ŭłaśnikami pradpryjemstvaŭ handlu, handlovych sietak, zajaviŭ pa vynikach narady ŭ Łukašenki premjer-ministr Raman Hałoŭčanka.
«Užo ŭ najbližejšy čas pieršy vice-premjer urada pa daručeńni prezidenta praviadzie pašyranuju sustreču z udzielnikami rynku, z kiraŭnictvam i ŭłaśnikami handlovych pradpryjemstvaŭ handlu, handlovych sietak dla taho,
kab, nu, jašče raz jak by ŭvabrać infarmacyju, jakuju, moža być, my pakul nie bačym, abo tyja tendencyi, pra jakija, dapuścim, miarkujuć jany, ale jašče pakul my va ŭradzie ich nie bačym, tamu žyvaja niejkaja razmova absalutna adkrytaja adbudziecca», — skazaŭ kiraŭnik urada.
Pavodle jaho słoŭ, kali ŭ vyniku hetaj sustrečy spatrebicca ŭnieści źmieny ŭ sistemu rehulavańnia cen, to jany buduć zroblenyja.
Uvohule ž Hałoŭčanka, jak zaŭsiody, poŭny aptymizmu. Jon adznačyŭ, što ŭ studzieni ciapierašniaha hoda rost indeksa spažyvieckich cen skłaŭ 0,8%, i heta samy nizki pakazčyk za apošnija 20 hadoŭ. Dy navat i hety rost «źviazany praktyčna napałovu z rostam akcyzaŭ, jaki byŭ spłanavany daŭno, na ałkahol i tytuniovyja vyraby».
Tamu situacyja, pavodle premjera, zastajecca pad kantrolem, i sistema pracuje. «Vynik hałoŭny, napeŭna, dakłada siońnia, što sistema vypracavanaja, jana dziejničaje, jana nie pryviała da niehatyŭnych efiektaŭ ni dla biznesu, ni dla handlu», — adznačyŭ jon, majučy na ŭvazie sistemu rehulavańnia cen, pryniatuju paśla kastryčnickaj narady ŭ Łukašenki.
A toje, što na praciahu ŭsiaho niekalki miesiacaŭ pryniatyja tady pastanovy daviałosia karektavać, śviedčyć nibyta tolki pra toje, što ŭrad nie schilny da dahmatyzmu i prajaŭlaje hnutkaść.
Čytajcie taksama:
Łukašenka: U raspuščanaści cen zacikaŭleny miljony ludziej
Łukašenka nazvaŭ stol cen na rasijskuju naftu dvajnymi standartami
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary