Paet Aleś Razanaŭ, jaki ciapieraka žyvie ŭ klaštary ordenu Kapucynaŭ u švajcarskim horadzie Cuh, 4 žniŭnia ŭ Miensku ŭ falvarku «Dobryja myśli» prezentavaŭ svaju čarhovuju knihu «Kab mieli ščaście ŭvaskrasać i lotać».
Paet Aleś Razanaŭ, jaki ciapieraka žyvie ŭ klaštary ordenu Kapucynaŭ u švajcarskim horadzie Cuh, 4 žniŭnia ŭ Miensku ŭ falvarku «Dobryja myśli» prezentavaŭ svaju čarhovuju knihu «Kab mieli ščaście ŭvaskrasać i lotać». Jak i dźvie papiarednija razanaŭskija knihi hetaja vyjšła ŭ vydaviectvie Ihara Łohvinava.
«Kab mieli ščaście...» źjaŭlajecca praciaham kanceptulnaha prajektu paeta z mastakom Viktaram Markaŭcom «Jajkakvadraty», jaki byŭ zapačatkavany ŭ dalokim 1993-im hodzie. Na hety raz na vokładcy biełaje jajka ŭ čyrvonym kvadracie. Jość jašče try karciny z hetaje seryi, tamu Razanaŭ paabiacaŭ praciah svaich paetyčnych knižak.
U hety zbornik uvajšli, jak užo dobra viadomyja čytaču tvory, tak i novyja, siarod jakich aŭtar raić źviarnuć uvahu na paemu «Usiasłaŭ Čaradziej», jakaja była dapisanaja ŭžo ŭ Švajcaryi.
Na imprezie prysutničała bahata ajčynnych intelektuałaŭ, jakija nie skvapničali na dobryja słovy Razanavu. Aŭtar nie planaŭ čytać na prezentacyi svaje tvory, ale paśla prośby Siarhieja Abłamiejki, jaki adznačyŭ, što na čužynie adčuvaje hoład pa biełaruskamu paetyčnamu słovu, zhadziŭsia pracytavać niekalki ŭryŭkaŭ z paemaŭ. Anatol Sidarevič vyśvietliŭ,što knihi Razanava vydaviectva Łohvinava nie źjaŭlajucca poŭnym zboram tvoraŭ paeta.
Skulptar Aleś Šaternik źviarnuŭ uvahu tych, chto sabraŭsia ŭ zali na cikavy momant. Lahatyp nadta padobny da jajkakvadrataŭ Razanava-Markaŭca ŭžo nia pieršy miesiac vykarystoŭvaje kampanija mabilnaj suviazi MTS. Było šmat pytańniaŭ ci źbirajucca tvorcy raspačynać sudovy praces pa fakcie niezakonnaha vykarystańnia intelektualnaj ułasnaści. Adnak tvorcy tak i nie dali ŭciamnaha adkazu na hetaje pytańnie. Aleś Razanaŭ abiacaje, što heta była nie apošniaja jahonaja sustreča z čytačami ŭ Miensku.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie1
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary