Śpiavak Cima Biełaruskich, jaki byŭ asudžany da «chatniaj chimii», paviedamiŭ, što praź niekalki miesiacaŭ znoŭ budzie davać kancerty.
![](http://nashaniva.com/img/w732d4webp1/photos/z_2023_02/326-j60g1.png.webp)
«Praz dva hady pieranosaŭ, pačynajučy ad pandemii i zakančvajučy ŭsim viadomym maim fors-mažoram, my narešcie rady nazvać vam daty našych staličnych prezientacyj», — napisaŭ Cima Biełaruskich u instahramie.
U mai ŭ jaho płanujecca kancert u Sankt-Pieciarburhu, a ŭ červieni — u Maskvie.
Cima Biełaruskich anansuje novy albom.
Nahadajem, što ŭ studzieni 2021 hoda śpievaka ŭ hulniavym kłubie ŭ Minsku zatrymała milicyja. Pry asabistym vobšuku ŭ jaho byŭ znojdzieny hašyš (kala 0,0375 hrama) i amfietamin (1,96 hrama).
Paviedamlałasia, što narkotyki śpiavak i jaho pryjaciel kupili praź internet. Častku ŭžyli ŭ pamiaškańni hulniavoha kłuba, reštu vyjavili rabotniki milicyi. Padčas asabistaha nadhladu ŭ Cimy byŭ znojdzieny taksama psichatrop. Svaju vinu abvinavačanyja pryznali. Śpiavak byŭ adpuščany pad zakład, a jaho znajomy znachodzicca pad vartaj.
U krasaviku taho ž hoda śpievaku dali dva hady «chatniaj chimii».
Čytajcie taksama:
Maks Korž i Łedzi Haha. U Biełarusi značna pašyryli «čorny śpis» muzykaŭ
Viartańni, nadziei i straty. 10 hałoŭnych muzyčnych albomaŭ Biełarusi
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Kamientary