U Miadziele pry hałasavańni za datu, u jakuju adznačajecca Dzień horada, žychary adchilili aficyjoz
Miadzielskaja rajonnaja hazieta «Naračanskaja zara» paviedamiła, jakija vyniki dało «vyvučeńnie hramadskaj dumki nakont daty śviatkavańnia Dnia horada Miadzieła». Apytańnie pravodziłasia «z metaj ustanaŭleńnia aficyjnaj daty».
Ułady prapanoŭvali śviatkavać i 3 lipienia, u aficyjny «Dzień niezaležnaści» Biełarusi, i 4 lipienia, u dzień vyzvaleńnia Miadzieła ad niemcaŭ u 1944 hodzie, i 15 studzienia, u dzień kolišniaha stvareńnia Miadzielskaha rajona, i 17 vieraśnia, u «Dzień narodnaha adzinstva». Ale ŭsio heta sabrała zusim mała hałasoŭ.
Pieravažnaja bolšaść ludziej vykazalisia za apošniuju subotu lipienia (u hety dzień tut adznačajecca tradycyjnaje Śviata azior) i za piatuju niadzielu paśla Vialikadnia pa hryharyjanskim kalendary (hetuju datu niekali prapanoŭvaŭ archieołah, słavuty ŭradženiec Miadzielščyny Michaś Čarniaŭski).
Praŭda, nieviadoma, nakolki budzie ŭličvacca mierkavańnie ŭdzielnikaŭ apytańnia pry kančatkovym vyznačeńni aficyjnaj daty. U najnoŭšaj historyi Biełarusi chapaje prykładaŭ, kali čynoŭniki paśla ŭsio adno rabili tak, jak chacieli sami ci atrymlivali instrukcyi źvierchu, a nie tak, jak žadaŭ narod.
Kamientary