Vialikabrytanija poŭnaja rašučaści nie dapuścić udziełu biełaruskich i rasijskich spartsmienaŭ u Alimpijadzie
Urad Vialikabrytanii zaklikaŭ najbujniejšych sponsaraŭ Alimpijskich hulniaŭ akazać cisk na Mižnarodny alimpijski kamitet u suviazi ź jaho prapanovaj dazvolić rasijskim i biełaruskim spartsmienam udzielničać u Alimpijadzie-2024 u Francyi, paviedamlaje The Guardian.
Ministr kultury ŚMI i sportu Vialikabrytanii Lusi Frejzier taksama paprasiła brytanskich kiraŭnikoŭ suśvietnych partnioraŭ MAK, uklučajučy Coca-Cola, Intel, Samsung i Visa, akazać cisk na MAK:
«My viedajem, što sport i palityka ŭ Rasii i Biełarusi ciesna źviazanyja, i my poŭnyja rašučaści nie dapuścić, kab režymy ŭ Rasii i Biełarusi vykarystoŭvali sport u svaich prapahandysckich metach».
Paviedamlajecca, što Vialikabrytanija nie budzie zhodnaja z dopuskam spartsmienaŭ Rasii i Biełarusi na Alimpijadu da taho momantu, pakul nie buduć raźviejanyja sumnievy brytancaŭ u tym, što madel «niejtralitetu» sapraŭdy pracuje.
«Adznačajučy zajaŭlenuju pazicyju MAK ab tym, što kančatkovyja rašeńni nie byli pryniatyja, my nastojliva zaklikali MAK razhledzieć pytańni, pastaŭlenyja ŭsimi krainami, i adpaviednym čynam pierahledzieć svaju prapanovu», — padkreślivajecca ŭ liście Frejzier.
Taktyka, uziataja na ŭzbrajeńnie brytancami, to-bok uździejańnie na asnoŭnych sponsaraŭ spabornictvaŭ, dobra siabie zarekamiendavała ŭ 2021 hodzie, kali išła havorka pra pazbaŭleńnie prava režymu Łukašenki na praviadzieńnie ŭ siabie častki čempijanatu śvietu pa chakiei. Tady Mižnarodnaja fiederacyja na čale sa šviejcarcam Rene Fazelem da apošniaha imknułasia pakinuć čempijanat u Biełarusi, ale musiła zdacca pierad pahrozaj asnoŭnych sponsaraŭ admovicca ad padtrymki mierapryjemstva.
Miž tym Mižnarodny alimpijski kamitet praciahvaje nadalej vyvučać varyjanty, pry jakich atlety z Rasii i Biełarusi zmohuć uziać udzieł u Alimpijadzie ŭ jakaści «niejtralnych» spartoŭcaŭ, adznačaje The Guardian.
Učora źjaviłasia infarmacyja, što dazvoliła ŭdzielničać rasijanam i biełarusam u spabornictvach pad svajoj ehidaj Mižnarodnaja fiederacyja fiechtavańnia.
Mižnarodnaja fiederacyja fiechtavańnia ŭchvaliła viartańnie spartsmienaŭ ź Biełarusi da ŭdziełu ŭ spabornictvach
MAK patłumačyŭ, jak represavanyja biełaruskija spartsmieny zmohuć vystupić na Alimpijadzie-2024
«Bali i abdymanki z Łukašenkam — nie palityka?» Spytali ŭ sumlennych spartsmienaŭ, ci varta źniać spartovy ban z Rasii i Biełarusi
Ciapier čytajuć
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary